Жонс Ҳопкинс университети маълумотларига кўра, дунёда коронавирусга чалинганлар сони 204 751 023 кишига етди, шуларнинг 4 324 684 нафари вафот этган. Шунингдек, дунё бўйича айни пайтгача 4 533 997 544 доза вакцина қўлланилган.
Касалланганлар сони бўйича доимгидек АҚШ етакчилик қилмоқда, юқори бешликдан Ҳиндистон, Бразилия, Франция ва Россия ҳам ўрин олган.
Жаҳон соғлиқни сақлаш ташкилоти (ЖССТ) мамлакатлар ўртасида коронавирусга қарши вакциналар нотенг тақсимланаётгани билан боғлиқ вазиятдан норози. Ташкилот бош директорининг маслаҳатчиси Брюс Эйлворд айтишича, дунё етакчилари ва фармацевтика компаниялари раҳбарлари «уятли» вакцина тенгсизлигига нуқта қўйиш учун чоралар кўриши керак.
«Дунёда тенгсизлик муаммоларини ҳал қилишда асосий ролни ўйнаши эҳтимоли мумкин бўлган 20 киши бор. Булар бу (вакцина) билан шуғулланадиган йирик компанияларни бошқарувчи одамлар. Булар вакциналар бўйича шартномалар тузаётган давлатлар раҳбарлари, шунингдек, вакциналарни ишлаб чиқараётган мамлакатлар раҳбарларидир», — деди Эйлворд.
«Бу 20 киши ‘биз сентябрь охиригача бу муаммони ҳал қиламиз, ҳар битта мамлакат аҳолисининг 10 фоизи эмланишини таъминлаймиз’ деб айтиши биз учун зарур», — дея қўшиб қўйди у.
Шунингдек, Oxfam тенгсизликка қарши кураш альянси тадқиқотида айтилишича, миллиардерлар даромадларининг пандемия даврида ўсган қисмига солинган бир марталик 99 фоизли солиқ бутун дунёни вакцинация билан ва барча ишсизлар учун 20 минг доллар дотация билан таъминлаган бўларди.
Мавзуга доир: ЖССТ қайта эмлашга мораторий талаб қилди. Ортиқча вакциналарни ривожланаётган мамлакатларга юбориш сўралмоқда
Гебрейесуснинг аниқлик киритишича, коронавирусга чалинганларнинг ҳақиқий сони ЖССТ томонидан қайд этилган миқдордан анча ошади.
Агар одамлар инфекция тарқалишига қарши биргалашиб курашса, келаси йилгача 300 миллион кишилик маррадан ўтишгача бормаслик мумкин, деди ЖССТ раҳбари. Унинг айтишича, шифокорларда энди COVID-19 олдини олиш, тест қилиш ва даволаш учун кўплаб воситалар бор. Аммо унинг сўзларига кўра, мутахассислар ҳамон касалликнинг турли босқичларидаги беморлар орасида кўпроқ тадқиқотлар олиб бориши керак.
ЖССТ статистикаси Жонс Ҳопкинс университетиникидан бироз фарқ қилади, чунончи айни пайтда касалланганлар сони 203 944 144 нафар, ўлимлар сони эса 4 312 902 та деб баҳоланмоқда (Жонс Ҳопкинс университети маълумотлари бўйича 204 751 023 нафар ва 4 324 684 та).
Ҳозирги пайтда коронавируснинг дельта штамми 142 та мамлакатда учрайди, бир ҳафта аввал у 135 та мамлакатда тарқалган эди. Шунингдек, ўтган бир ҳафта ичида коронавирусга чалинганлар сони 4,2 миллионга кўпайди, 65 минг киши вафот этди, дейилади ЖССТ маълумотларида.Аввалроқ ЖССТ дельта штамм дунёда устунликка эришиши мумкинлигини маълум қилганди. Аммо экспертлар ушбу вариант нима сабабдан баъзи мамлакатларда бор, баъзиларида йўқлигини аниқ тушунтириб бера олмайди. Июлда баъзи йирик мамлакатларда коронавирус ҳолатларининг тўртдан уч қисми дельта штаммига тўғри келиши маълум бўлганди.
Мавзуга доир: Дельта-штамм 111 та мамлакатда аниқланди, Россияда ўсмирларни эмлаш сентябрда бошланади. Коронахабарлар
Дельта штаммига чалиниш бўйича ҳолатлар кўпайиши сабабли оммавий тадбирларни чеклаш ва рақамли вакцинация паспортларини жорий қилиш каби чоралар маъқулланди. Қоидалар фақат йирик савдо марказлари ва дўконларга тааллуқли бўлмайди.
Бош вазир Нафтали Беннетт бутун мамлакат бўйлаб касалхоналарни кучайтириш учун 2,5 миллиард шекел (774 миллион доллар) ажратди.
Шунингдек, Исроилга «яшил стандарт» қайтарилади, у оммавий тадбирларга киришда вакцинация ёки COVID-19 дан соғайганлик ҳақидаги сертификатни ёки манфий натижали тестни мажбурий тақдим этишни кўзда тутади.
Изоҳ (0)