Бугун,

  • USD 11095.31
  • RUB 173.84
  • EUR 10772.44

UzAuto Motors компанияси соф даромадини қарийб 70 фоизга оширишга муваффақ бўлди. Бу ҳақда Корпоратив ахборот ягона порталига жойлаштирилган 2021 йилнинг биринчи ярми бўйича компания молиявий ҳисоботида сўз боради.

Фото: «Дарё» / Мадина Нурман

Фото: «Дарё» / Мадина Нурман

Олти ой давомида авто ишлаб чиқарувчининг соф фойдаси 10,6 триллион сўмни (Марказий банкнинг 1 августдаги курси бўйича 996,5 миллион доллар) ташкил этган. Бу 2020 йилнинг январь—июнь ойларидаги кўрсаткичдан 2,1 триллион сўмга камроқ. Маҳсулотлар таннархи 2,2 триллион сўмга камайиб, 8,4 триллион сўмни ташкил этган.

Асосий фаолиятдан олинган фойда 393,6 миллиард сўмга ошиб, 1,06 триллион сўмга етган бўлса, асосий харажатлар 212,3 миллиард сўмга камайиб, 1,1 триллион сўмдан иборат бўлган.

178,9 миллиард сўм миқдорида (2020 йил январь—июнда 145,1 миллиард сўм тўланган) солиқлар тўланиши натижасида UzAuto Motors соф фойдаси 902,6 миллиард сўмни (84,6 миллион доллар) ташкил этган. Бу ўтган йилнинг шу даврига нисбатан 370,4 миллиард сўмга (69,6 фоиз) кўпроқ (532,1 миллиард сўм) демакдир.

Фото: «Gazeta.uz»

Фото: «Gazeta.uz»

«Gazeta.uz»нинг ёзишича, катта эҳтимол билан компания соф фойдасининг ўсиши олти ой ичида қарийб барча ҳамёнбоп автомобиль моделларини — Spark, Nexia, Gentra ва Cobalt (Damas ва Labo’дан ташқари) — ишлаб чиқаришни 143 мингтадан 108,7 мингтага (24 фоизга) камайтиргани ва яқинда нархлари ошган Trailblazer, Tahoe, Malibu премиум-сегмент автомобилларини кўпроқ сотгани билан боғлиқ.

Март ойида «Ўзавтосаноат» бошқаруви раиси ўринбосари Азизбек Шукуров қимматбаҳо автомобиллар — Equinox, Malibu ва Tahoe — сотувидан тушган даромадлар Spark ва Nexia каби арзонлаштирилган моделларни сотишдаги зарарларни қоплаётганини тан олган эди.

«UzAuto Motors бизнес модели шунақа қилинганки, иложи борича оммага мослашган ‘бюджетний’ машиналарга жуда минимал даромад қўйилган. Конфеденсиал тижорий сирни очяпман сизларга, Spark, Nexia каби машиналарда (сотувдан) даромад умуман йўқ. Нафақат даромад, балки йўқотиш бор. Оммага кўпроқ машина етказиш имкониятини яратиш учун қиммат автомобилларни кичик миқдорда даромадини баланд қилиб қўямиз. Қиммат машинадан олаётган даромадимиз ҳисобига арзон машинадан йўқотаётган пулни қоплаяпмиз», — дея тушунтирган эди у.

Аввалроқ UzAuto Motors камроқ автомобиль сотиб, кўпроқ фойда олаётгани маълум бўлганди. Сўнгги йилларда экспорт қилинаётган автомобилларнинг ўртача нархлари икки баробарга — 4845 доллардан 9201 долларга ошган.

Изоҳ
Асосий янгиликлар
Дунё
Украинанинг учта элчихонасига таҳдидли хатлар юборилган — Украина ташқи ишлар вазири
Маҳаллий
Ўзбекистонда 1 декабрь куни барча ҳудудларда коронавирус қайд этилди
Дунё
Фидел Кастронинг яширин ҳаёти, ўзини император деб эълон қилган Наполеон ва «кокаин барони» Эскобарнинг ўлдирилиши. Кун хронологиясида 2 декабрь