12 август куни Сирдарё вилояти Гулистон тумани ҳокимлигида Халқ депутатлари Гулистон туман кенгашининг навбатдан ташқари сессияси бўлиб ўтди, деб хабар беради вилоят ҳокимлиги матбуот хизмати.
Маълум қилинишича, йиғилишда иштирок этган вилоят ҳокими Ғофуржон Мирзаев Гулистон тумани ҳокими лавозимига Сайдимқул Бегимқулов номзодини Халқ депутатлари Гулистон туман кенгаши сессиясида тасдиқлаш учун тавсия этган.
Сайдимқул Бегимқулов 1993 йилда Тошкент давлат иқтисодиёт университетини тамомлаган ва шу йиллар давомида вилоятнинг иқтисодий салоҳиятини янада оширишда самарали фаолият юритган. 2012 йилдан шу кунга қадар Ўзбекистон Товар-хом ашё биржаси Сирдарё вилояти филиали директори лавозимида ишлаб келаётган эди.
Депутатлар регламентга мувофиқ Гулистон туман ҳокими лавозимига Сайдимқул Бегимқуловнинг номзодини бир овоздан маъқуллаган.
Шунингдек, сессияда туман сектор раҳбарларининг ҳам фаолиятлари қайта кўриб чиқилган. Унга кўра, туман прокурори лавозимига Дилшод Сангиров, ИИБ бошлиғи этиб Шодиёр Ибрагимов, туманнинг Давлат солиқ инспекцияси бошлиғи лавозимига эса Хасан Фарсаханов тайинланган.
Аввалроқ Бухоро вилояти давлат солиқ бошқармаси бошлиғи Ғиждувон тумани ҳокими этиб тайинлангани тўғрисида хабар берилганди.
Изоҳ (0)