Ўзбекистонда 2021 йилнинг дастлабки олти ойида 19 мингдан ортиқ оила ажрашгани маълум бўлди
Давлат статистика қўмитаси дастлабки маълумотларига кўра, 2021 йилнинг январь—июнь ойларида республика бўйича 19 406 та никоҳдан ажралишлар қайд этилган.
Фото: «Дарё» / Мадина Нурман
Жами никоҳдан ажралиш даврида (2021 йил январь—июнь):
фарзандсиз ажрашиш – 51,8 фоиз;
битта фарзанд билан ажрашиш – 27,8 фоиз;
икки ва ундан ортиқ фарзанд билан ажрашиш – 20,4 фоизни ташкил қилган.
Аввалроқ Ўзбекистонда ажрашган оилаларнинг 33,8 фоизи 1-4 йил яшагандан сўнг никоҳни бекор қилгани, мамлакатда 40,4 фоиз ҳолатда ажримлар моддий муаммолар туфайли келиб чиқаётгани тўғрисида хабар берилганди.
Эслатиб ўтамиз, март ойида Президент Шавкат Мирзиёев олдинлари бирор оила ажрашса, маҳаллада дув-дув гап бўлиши, бутун маҳалла оёққа туриши, ажрим — бу катта фожиа эканини айтиб ўтганди. «Албатта, барчамизнинг истагимиз, тилагимиз битта: қани энди, юртимизда ажрим деган нохуш ҳолатнинг ўзи бўлмаса... Оилалар пароканда, болалар тирик етим бўлиб, сарсон-саргардон бўлмаса... Мен бир фикрни қайта-қайта айтишдан чарчамайман. Оила — бу меҳр ва бахт қўрғони. Оила бор экан, фарзанд деган бебаҳо неъмат бор, инсоний қадр-қиммат ва маънавият бор», — деган эди давлат раҳбари.
Изоҳ (0)