«Тансоқчи» фильми суратга олинганига 29 йил бўлди. Уни ҳалигача минглаб инсонлар завқ билан томоша қилмоқда ва фильмнинг саундтреклари ХХ асрнинг энг кўп сотилган 50 альбоми рўйхатига киритилган. Бироқ камдан кам одам аслида суратга олиш майдончасида нима бўлганини билади, холос.
Сценарий фильм суратга олинишдан деярли 20 йил олдин ёзилган
«Тансоқчи» фильмининг сценарийси ўтган аср 70 йилларнинг бошларида, томошабин картинани кўришдан йигирма йил олдин ёзилган. Бу машҳур асар муаллифи Лоуренс Кезданнинг биринчи сценарийси эди, у кейинчалик «Юлдузлар жанги» ва «Индиана Жонс»нинг бир нечта эпизодларини ёзган. «Тансоқчи»нинг қаҳрамонлари актёр Стив МакКуин ва қўшиқчи Даяна Росс бўлиши керак эди, лекин кейин томошабин қаҳрамонларнинг «миллатлараро» романтикасини қабул қилмайди деган қўрқув туфайли лойиҳа тўхтатилган.
1979 йилда Райан O’Нилга «Тансоқчи» ролини таклиф қилишди, лекин Даяна Росс билан бўлган кескинлик туфайли у ҳам фильмни рад этди. Кейин лойиҳа деярли унутилди, бир кун келиб Кевин Костнер унга қизиқиб қолди. У фильмнинг ҳаммуаллифи бўлишни ва унда бош ролни ўйнашни хоҳларди.
Мадонна ва Жанет Жексон Рейчел ролига ариза берган
Хонанда Рейчел Маррон роли учун улар узоқ вақт давомида муносиб актриса топа олмади. Костнер ролни Уитни Хьюстонга беришни талаб қилди, лекин унинг ўзи узоқ вақт ҳаракат қилишга рози бўлмади. Биринчидан, у фильмларда ишлаш тажрибасига эга эмасди, шунинг учун охирида бир нечта саҳналарни кесиб ташлашга тўғри келди. Иккинчидан, у ўз феъл-атворини жуда инжиқ деб ҳисоблаган. Кевин Костнер Уитнини суратга олишга қарор қилганига қадар икки йил кутишга тўғри келди ва қўшиқчига фильмни суратга олишда унга ҳар томонлама ёрдам беришга ваъда берди. «Мен сенга ваъда бераман, йиқилишингга йўл қўймайман. Мен сенга ёрдам бераман. Ва у ёрдам берди », – дейди кейинчалик Хьюстон.
Элвис Пресли «I always love you» қўшиғини ижро этишни орзу қилган
Уитни Хьюстон бутун дунёга машҳур бўлган «I always love you» машҳур қўшиғи фильм чиқишидан анча олдин Долли Партон томонидан басталанган. 1974 йилда Элвис Пресли қўшиққа бўлган ҳуқуқларни олишга ҳаракат қилди, лекин Долли хонанда уни «вайрон қилади» деб ўйлаб, ундан бош тортди.
«Тансоқчи» чиққандан сўнг «I always love you» қўшиғи Америкадаги тўйларда энг машҳур қўшиққа айланди, Англияда дафн маросимларида ҳам тез-тез эшитилиб туради. Қўшиқ муаллифи Долли Партон гонорардан 6 миллион долларга яқин даромад олди.
Албатта, Уитни Хьюстон томонидан ижро этилган хитнинг соул-версияси ўзига хос бўлиб туйилди, лекин композицияни танлаш ва картинанинг якуний финалида янграши – бу Кевин Костнернинг хизматидир.
«Чўқинтирган ота» Рейчелнинг уйида суратга олинган
Бош қаҳрамон сценарий бўйича яшаган ҳашаматли саройда бир вақтлар «Чўқинтирган ота» фильмининг саҳналари тасвирга олинган. Ҳашаматли уйда 28 та ётоқхона, 38 та ҳаммом, икки қаватли кутубхона ва гўзал боғ мавжуд.
Уитни кўп ишлаши туфайли боласини йўқотди
Фильм устида ишлаш қизғин кетаётганида, суратга олишни бир неча ҳафтага тўхтатиб қўйишга тўғри келган. Яқинда Бобби Браун билан унаштирилган Уитнининг фильмга суратга тушиш чоғида ҳомиласи нобуд бўлган. «Бу ҳам жисмонан, ҳам руҳан оғриқли эди, – дейди у кейинчалик. – Лекин мен эртаси куни саҳнага қайтдим». Фильмни суратга олиш тугагач, Хьюстон ва Браун турмуш қурди ва бир мунча вақт ўтгач, хонанда Бобби Кристина Браун исмли қизни дунёга келтирди.
Танқидчилар бу фильмни кино тарихидаги энг ёмон фильм деб атади
Премьерадан сўнг танқидчилар фильмни танқид қилди ва «Тансоқчи»ни кино тарихидаги энг омадсиз деб атади. Хьюстон ҳам, Костнер ҳам «Олтин малина» номинациясига номзод бўлди, қўшиқчи охир-оқибат энг ёмон актриса деб топилди. Аммо томошабинлар танқидчиларнинг фикрларига аҳамият бермади ва фильм биринчи рақамли хитга айланди. 25 миллион долларлик камтарона бюджетга эга бўлган бу картинанинг даромади АҚШда 120 миллиондан зиёд, дунё бўйлаб эса 400 миллиондан ошди.
9 йил олдин, 2012 йил 11 февралда афсонавий қўшиқчи кокаин дозасини ошириб юбориши оқибатида вафот этди. У Беверли Хилтон меҳмонхонасининг ҳаммомида ҳушидан кетиб, чўкиб кетган. Маъмурият қарори билан фожиа содир бўлган хона энди ижарага олинмайди.
Хонанданинг дафн маросимида Кевин Костнер «Тансоқчи»даги роли ҳақида нутқ сўзлади: «Картина айнан унинг учун аталгандек эди. Унинг ролини ўйнай оладиган актрисалар кўп эди, аммо мен Уитнига ишондим, у Рейчел Марронни ўйнаган ягона одам».
Уитни Хьюстон вафотидан тўрт йил ўтгач, унинг ягона қизи Бобби Кристина олти ойлик комадан кейин вафот этди. У гиёҳванд воситалар ва спиртли ичимликдан ваннада чўкиб ўлган.
Малика Диана «Тансоқчи 2» фильмида бош ролни ўйнашни орзу қилган
2012 йилда Кевин Костнер журналистларга Диана «Тансоқчи» фильмининг давомида ўйнашни хоҳлаганини айтди. Костнернинг сўзларига кўра, унинг қаҳрамони, соқчи бўлган собиқ махфий агенти, маликани хатарли мухлислардан ва ҳатто тажовузкор папараццилардан ҳимоя қилиши керак эди. Натижада худди биринчи фильмдагидек, улар ўртасида севги ҳикояси пайдо бўлган. Костнер Дианага Уитни каби унга ғамхўрлик қилишини ваъда қилди. Малика автоҳалокатда вафот этишидан бир кун олдин Кевин Костнер сценарийнинг қораламасини олган эди...