Жанубий Африка Республикасида Фри-Стейт провинциясидаги Брандфорт шаҳрига апартеидга қарши курашчи ва Нельсон Манделанинг иккинчи рафиқасининг исми берилди. Энди ушбу шаҳар Винни Мандела деб аталади. Бу ҳақда SABC хабар қилган.
«Шаҳар номи Жанубий Африка географик ҳудудлари ҳақидаги қонун асосида ўзгартирилди. Бизнинг географик ҳудудларимиз тарихдан ва мамлакатнинг буюк шахсларидан дарак бериб туриши, уларни эслатиб туриши жуда муҳим», – дея мазкур ўзгаришга шарҳ берган ЖАР спорт, санъат ва маданият вазири Нати Мтетви.
Брандфорт шаҳрига 1866 йилда асос солинган. Шаҳар номи 1855 йилда ташкил қилинган тўқ сариқ эркин давлат – Бурск мустақил республикасининг тўртинчи президенти Ёханнес Бранд шарафига шундай аталган. Шаҳарда уч мингдан зиёд аҳоли истиқомат қилади.
Винни ва Нельсон Манделанинг турмуши 38 йил давом этган ва улар 1996 йилда ажрашишган. Винни Нельсон Мандела билан 38 йил давомида бирга яшаган ва улар 1996 йилда ажрашишган. Жамоат фаоли бўлган Винни Мандела 2018 йилда вафот этган.
Эслатиб ўтамиз, 2019 йил мартида Қозоғистон пойтахти Остона шаҳри мамлакатнинг биринчи президенти Нурсултон Назарбаев шарафига Нур-Султон деб қайта номланган. 1830 йилда қозоқлар манзилгоҳи сифатида асос солинган шаҳар дастлаб Акмолинск деб аталган. 1961 йилда Селиноград деб қайта номланган. 1992—1998 йилларда шаҳар Оқмола номини олган. 1997 йил декабрида Қозоғистон пойтахти Назарбоевнинг ташаббуси билан Олмаотадан Оқмолага кўчирилган ва 1998 йил майида эса унинг номи Остона деб ўзгартирилган.
Изоҳ (0)