Janubiy Afrika Respublikasida Fri-Steyt provinsiyasidagi Brandfort shahriga aparteidga qarshi kurashchi va Nelson Mandelaning ikkinchi rafiqasining ismi berildi. Endi ushbu shahar Vinni Mandela deb ataladi. Bu haqda SABC xabar qilgan.
“Shahar nomi Janubiy Afrika geografik hududlari haqidagi qonun asosida o‘zgartirildi. Bizning geografik hududlarimiz tarixdan va mamlakatning buyuk shaxslaridan darak berib turishi, ularni eslatib turishi juda muhim”, – deya mazkur o‘zgarishga sharh bergan JAR sport, san’at va madaniyat vaziri Nati Mtetvi.
Brandfort shahriga 1866-yilda asos solingan. Shahar nomi 1855-yilda tashkil qilingan to‘q sariq erkin davlat – Bursk mustaqil respublikasining to‘rtinchi prezidenti Yoxannes Brand sharafiga shunday atalgan. Shaharda uch mingdan ziyod aholi istiqomat qiladi.
Vinni va Nelson Mandelaning turmushi 38 yil davom etgan va ular 1996-yilda ajrashishgan. Vinni Nelson Mandela bilan 38 yil davomida birga yashagan va ular 1996-yilda ajrashishgan. Jamoat faoli bo‘lgan Vinni Mandela 2018-yilda vafot etgan.
Eslatib o‘tamiz, 2019-yil martida Qozog‘iston poytaxti Ostona shahri mamlakatning birinchi prezidenti Nursulton Nazarbayev sharafiga Nur-Sulton deb qayta nomlangan. 1830-yilda qozoqlar manzilgohi sifatida asos solingan shahar dastlab Akmolinsk deb atalgan. 1961-yilda Selinograd deb qayta nomlangan. 1992—1998-yillarda shahar Oqmola nomini olgan. 1997-yil dekabrida Qozog‘iston poytaxti Nazarboyevning tashabbusi bilan Olmaotadan Oqmolaga ko‘chirilgan va 1998-yil mayida esa uning nomi Ostona deb o‘zgartirilgan.
Izoh (0)