Бугун,

  • USD 10940.05
  • RUB 182.26
  • EUR 11121.65

Вашингтонда Пентагон яқинида отишма юз берганидан кейин мудофаа муассасасига кириш ва чиқиш ёпиб қўйилди, деб ёзади Meduza.

Полиция ходими воқеа юз берган жойда

Полиция ходими воқеа юз берган жойда
Фото: AP Photo

Отишма билан боғлиқ ҳодиса АҚШ Мудофаа вазирлиги бош биноси яқинидаги автобус бекатида юз берди. Отишма қандай сабаб билан содир бўлгани номаълум.

Кейинроқ Пентагон қўриқлов хизмати ходими отишма содир этган шахсни отиб ташлагани хабар берилди. Ҳужум қилган шахс бинога кира олмаган.

АҚШ мудофаа вазири Остин Ллойд ҳужум оқибатида Пентагон биноси ёнида бир полициячи ҳалок бўлганини маълум қилди.

«Офицер хизмат мажбуриятларини бажариш чоғида, Пентагонда ўн минглаб одамларни ҳимоя қилишда ёрдам бераётиб ҳалок бўлди… Ҳодиса юз берган вазиятни ўрганиш учун текширув давом этмоқда», — деб ёзди Остин ўз Twitter’ида.

Воқеа тафсилотлари ошкор этилмаяпти. АҚШ Мудофаа вазирлиги ҳам, ҳодисани суриштираётган Федерал қидирув бюроси ҳам тафсилотларни келтирмади. «Ҳодиса якунига етди, воқеа жойи хавфсиз ва энг муҳими, аҳоли учун таҳдид йўқ», — деди Пентагон полицияси раҳбари Вудро Кюссе.

ОАВларга кўра, полициячи пичоқ билан ўлдирилган. Associated Press мухбири воқеа жойида бир неча марта ўқ овозларини эшитган. Яна бир неча киши яралангани маълум.

Изоҳ
Асосий янгиликлар