Афғонистоннинг Лагман вилоятидаги тоғ йўлида соидр бўлган йўл транспорт ҳодисалари оқибатида камида 20 нафар одам ҳалок бўлди ва 18 киши турли даражадаги тан жароҳатлари олди. Бу ҳақда ТОЛО News хабар берган.
Иккала йўл транспорт ҳодисаси ҳам пойтахт Кобул ҳамда Жалолобод шаҳрини бир-бирига боғловчи Каргаи ҳудудидаги автотрассада содир бўлган.
ОАВ берган ахборотга кўра ЙТҲ оқибатида Нангарҳар маориф ишлари бошқармаси дирекоторининг ўринбосари Сайид Исо Саодат ва унинг ўғли ҳаётдан кўз юмган.
Бир неча кун аввал Кобулда Баглан вилоятида «Толибон» томонидан электр тармоқлари объектига зарба берилганидан кейин аҳолининг электр таъминотидан узилиб қолгани хабар қилинган.
Шунингдек, ўтган ҳафтада Афғонистон ички ишлар вазирлиги томонидан 31 та вилоятда хавфсизликка бўлаётган таҳдидлар сабаб комендантлик соати жорий этилган.
«Толибон» ҳамда Афғонистон ҳукумати қўшини ўртасидаги жанговар ҳаракатлар Кунар, Логар, Ғазни, Хост, Қандаҳор, Урузган, Фороб, Балх, Жаузжан, Саманган, Ғилмон, Таҳар, Қундуз, Боғлон ва Капис вилоятларида давом этмоқда.
Аввалроқ Афғонистонда сув тошқини оқибатида 150 киши ҳалок бўлгани ҳақида хабар берилганди.
Изоҳ (0)