Бухорода Matiz уриб юбориши оқибатида 58 ёшли велосипедчи вафот этди
Бухоро вилояти Қоракўл туманида Matiz уриб юборган 58 ёшли велосипедчи шифохонада вафот этди, дея хабар бермоқда Ички ишлар вазирлиги ахборот хизмати.
Маълум бўлишича, туман ҳудудидан ўтувчи давлат аҳамиятига эга йўлда Matiz автомобили 58 ёшли велосипед ҳайдовчисини уриб юборган. Аниқланишича, йўлни пиёдалар ўтиш қисмидан кесиб ўтаётган фуқаро мазкур ҳодиса оқибатида шифохонада вафот этган.
Бундан ташқари вилоятнинг Ромитан туман Газли чўл ҳудудидан ўтувчи давлат аҳамиятига эга йўлда Nexia машинаси йўл четига ағдарилган. Бунга ҳайдовчининг эҳтиётсизлиги сабаб бўлган. Қайд этилишича, ҳодиса оқибатида ҳайдовчи ва 1 нафар йўловчи оғир жароҳат олган.
Яна бир ҳолатда, Бухоро тумани «Декча» МФЙ ҳудудидаги автомобиль йўлида Nexia ва Damas иштирокида йўл-транспорт ҳодисаси содир бўлган. Маълум қилинишича, Nexia бир йўналишда ҳаракатланиб кетаётган Damas машинасининг орқа қисмига урилган. Мазкур ҳодиса оқибатида Nexia ҳайдовчиси бош мия ёпиқ шикастланиши ташхиси билан туман шифохонасига ётқизилган.
Бундан аввал Наманганда Damas иккита «Жигули» билан тўқнашиши оқибатида бир киши вафот этгани, Мурод Хонтўраев вафот этган ЙТҲ бўйича жиноят иши қўзғатилгани ҳамда Қамчиқ довонида Captiva йўл четига ағдарилиши оқибатида 5 киши жароҳатлангани ҳақида хабар берилганди.
