Ёз фасли унда исталган барра мева ва сабзавотларни истеъмол қилиш билан ҳам ўзига хосдир. Уч ой давомида гилос, ўрик, қовун ва тарвузни хоҳишга қараб истаганча истеъмол қилса бўлади. Тарвузни қандай ва қанақасини харид қилиш кераклиги ҳақидаги тавсияларни эса эътиборингизга ҳавола этамиз.
Тарвузни қачон харид қилиш керак?
Расталарда июнь ойининг ўрталарида пайдо бўлишига қарамай, харид қилишга бироз шошмаслик керак. Кўриниши чиройлилиги унинг мазали экани ва саломатлик учун хавфсизлигини билдирмагани сабаб эса июль ойида ҳам сотиб олишга ошиқмаганингиз яхши. Унинг эрта етилишига кимёвий моддалар — нитратлар сабаб бўлган бўлиши эҳтимоли йўқ эмас. Кўриниши ва таъмидан сезилмагани билан интоксикацияда кучли заҳарланишга олиб келиши мумкин. Таъми ҳам ранги ҳам меъёрда бўлишга улгургани сабаб август ойи тарвуз харид қилиш учун энг яхши вақт саналади.
https://www.instagram.com/p/CRjnkHklpiQ/?utm_source=ig_embed&ig_rid=3198789b-4726-47a3-9835-9c738deef58c
Муҳим!
Тарвузда нитратларнинг бор ёки йўқлигини аниқлаш учун тарвузнинг кесилган бир бўлагини сувли стаканга солинг. Сув қизарса бундай тарвузни истеъмол қилмаган яхши. Сувнинг шунчаки хиралашгани, сизнинг танлов борасида янглишмаганингиздан дарак беради. Аммо ҳатто августда харид қилган тақдирда ҳам айрим жиҳатларни инобатга олишни унутмаслик керак.
Пўстлоғи қандай бўлиши керак?
Тарвузнинг пўстлоғини яхшилаб кўздан кечиринг, Унда ёрилишлар йўқлиги, механик зарб етмаганига амин бўлинг. Ҳатто кичкина ёриқдан ҳам микроб ичига тушган бўлиши мумкинлигини унутманг.
Муҳим!
Ёриқлар ва зарб етганини жигарранг сифат, қуруқ ҳамда тарвузнинг ён тарафидаги сеткага ўхшаш чизиқлар билан адаштирманг. Бундай тарвуз аксинча, сувли ва етилган бўлиши мумкин. Тарвуз ёрқин рангда бўлиши керак, бу унинг қуёш нурлари остида етарли вақт давомида бўлгани ҳамда етилганини билдиради. Ундаги сариқ доғ ерда етилгунига қадар шу томони билан ётганини билдиради. Устидаги оқ қисми 5-10 сантиметр бўлиши мумкин.
Қандай ҳажмдагисини харид қилиш керак?
Тарвузнинг катталиги унинг мазаси ширинлигини билдирмайди, аксинча бундай кўринишига нитратлар сабаб бўлган бўлиши мумкин. Етилмаган бўлиши мумкинлиги сабаб эса ҳаддан ортиқ кичкинасини ҳам харид қилмаган яхши. Оғирлиги 20 килогача бўлган тарвуз энг яхши вариант ҳисобланади.
Қандай кўринишдагиси мазали?
Тарвуз икки хил: чўзиқроқ, пастки қисми қавариқ, шунингдек, япалоқ ёки думалоқ шаклда бўлиб, пастки қисми ясси бўлиши мумкин. Айнан иккинчи тарвуз биринчи кўринишдагисидан кўра мазали ва сувлироқ деб ҳисобланади. Қолаверса, бундай кўринишдаги тарвузнинг данаги ҳам камроқ бўлади.
Етилган тарвуздан қандай овоз чиқиши керак?
Етилган тарвузни чертганда аниқ ва янгроқ, яхши пишмаганидан эса аксинча, бўғиқ овоз эшитилади.
«Думи»ига қараб нимани билса бўлади?
Тарвузнинг ён қисмидаги «думи»нинг қуруқлиги унинг етилганида, яшиллиги эса эрта узилганини билдиради. Аммо биргина бундан келиб чиқиб хулоса қилиш ярамайди.
Муҳим!
Тарвузнинг «думи» йўқлиги харидорлар етилган ёки йўқлигини била олмаслиги учун сотувчи томонидан олиб ташлангани билдиради.
Қаердан харид қилган яхши?
Сақлаш меъёрларига амал қилинадиган, махсус шароитлари бор супермаркет ва дўконлар харид қилиш учун энг яхши вариант ҳисобланади. Бозордаги сотувчи сизга татиб кўриш учун берган тарвуз бўлагини эса еб кўриш тавсия қилинмайди. Гап шундаки, санитария қоидаларига амал қилиш билан боғлиқ муаммо сабаб соғлигингизда муаммо кузатилиши мумкин.
Изоҳ (0)