Наманган вилояти Поп туманида мотоцикл йўл четида турган икки фуқарони уриб кетди, дея хабар бермоқда ИИВ матбуот хизмати.
Маълум қилинишича, 2021 йил 7 июль куни соат 21:30 ларда Ғурумсарой–Чодак–Гулистон йўлининг 36-километрида Поп туманида яшовчи, 1985 йилда туғилган фуқаро «Урал» мотоциклини бошқариб бораётиб, ҳаракат хавфсизлигини таъминлай олмай, йўл четида турган Уйчи туманида яшовчи, 2001- ва 1996 йилда туғилган фуқароларни уриб юборган.
Оқибатда пиёдалар бел соҳасини лат ейиши ва ўтирғич суягининг синиши ташхиси билан шифохонага ётқизилган.
Ушбу ҳолат бўйича туман ИИБ ҳузуридаги Тергов бўлинмаси томонидан 2021 йил 16 июль куни Жиноят кодексининг 266-моддаси 1-қисми (транспорт бошқариш қоидаларини бузиш) билан жиноят иши қўзғатилган.
Бундан аввал йўловчи маданиятсизлиги сабаб қашқадарёлик ҳайдовчи 245 минг сўм жарима тўлайдиган бўлгани, Чироқчида икки Nexia тўқнашувида 3 нафар йўловчи ҳалок бўлгани ҳамда Андижонда 21 ёшли фуқаро бошқарувидаги юк машинаси йўл четида тўхтаб турган Cobalt’ни уриб юборгани ҳақида хабар берилганди.
Изоҳ (0)