Qashqadaryo viloyatining Chiroqchi tumanida ikki Nexia ishtirokida yuz bergan YTHda 3 kishi halok bo‘ldi. Bu haqda viloyat IIB matbuot xizmati xabar berdi.
Ma’lum bo‘lishicha, 12-iyul kuni soat 09:20 lar atrofida Chiroqchi tumani hududidan o‘tgan Yettitom—Qarshi yo‘lining 53-kilometrida harakatlanib ketayotgan Nexia-1 haydovchisi boshqaruvni yo‘qotib, o‘z yo‘nalishida harakatlanib ketayotgan Nexia-2’ga to‘qnashgan.
Oqibatda har ikkala mashina haydovchisi tan jarohati olib, shifoxonaga yotqizilgan.
Nexia-1’da yo‘lovchi sifatida ketayotgan ona-bola, Nexia-2’da esa bir nafar yo‘lovchi olgan og‘ir tan jarohatlari oqibatida voqea joyida halok bo‘lgan.
Avvalroq Qashqadaryoning Muborak tumanida yo‘lning notekisligi sabab yuzaga kelgan YTH oqibatida Nexia haydovchisi halok bo‘lgani, Qarshi shahrida yurib ketayotgan Nexia-2 yonib ketgani haqida xabar berilgan edi. Mavzuga doir:- Namanganda Damas bilan to‘qnashgan Labo haydovchisi vafot etdi
- Buxoroda mashina haydashni o‘rgatuvchi instruktor boshqaruvidagi Matiz ag‘darilib ketdi
- Namanganda Damas haydovchisi MAN yuk mashinasiga borib urilishi oqibatida halok bo‘ldi
- Toshkentda Damas hamda Matiz to‘qnashishi oqibatida 2 haydovchi tan jarohati oldi
