Тошкент шаҳрида 2021 йилнинг 15—16 июль кунлари бўлиб ўтадиган «Марказий ва Жанубий Осиё: минтақавий ўзаро боғлиқлик. Таҳдид ва имкониятлар» мавзусидаги халқаро конференцияда иштирок этиш учун Ўзбекистонга келган Туркия ташқи ишлар вазири Мевлут Чавушўғлу ўз сафарини Фарғонадан бошлади. Бу ҳақда «Дарё» мухбири хабар бермоқда.

Фото: «Дарё»

Фото: «Дарё»

Мевлут Чавушўғлуни Фарғона халқаро аэропортида маданият вазири Озодбек Назарбеков, туризм ва спорт вазирининг биринчи ўринбосари Улуғбек Азамов, Фарғона вилояти ҳокимининг ўринбосари Иқболжон Эргашев кутиб олди.

Фото: «Дарё»

Ташриф давомида меҳмонларга Ўзбекистоннинг Туркиядаги фавқулодда ва мухтор элчиси Алишер Аъзамхўжаев ҳамда Туркиянинг Ўзбекистондаги фавқулодда ва мухтор элчиси Олган Бекар ҳамроҳлик қилди.

Фото: «Дарё»

Фото: «Дарё»

Туркия ташқи ишлар вазири Марғилондаги Ҳунармандлар марказини бориб кўрди. Меҳмонлар марказнинг тўқув цехида бўлиб, турфа рангда товланувчи ипакдан атлас, адрас, шойи, бахмал, беқасам матолар тўқиш жараёни билан танишди.

Фото: «Дарё»

Меҳмонлар марказда қўл меҳнати асосида тайёрланган нақшинкор ипак гиламлар Туркияда ҳам анча машҳур эканини алоҳида қайд этди.

Фото: «Дарё»

Мевлут Чавушўғлу Олтиариқ туманидаги узум боғларида бўлди. Пайкаллардан қовун ва тарвуз узиб, уларни татиб кўрди.

Фото: «Дарё»

Фото: «Дарё»

Фото: «Дарё»

Туркия ташқи ишлар вазири Қўқон шаҳрида бўлиб, вилоятдаги илк хусусий олий ўқув юрти — Қўқон университети фаолияти билан танишди.

Фото: «Дарё»

Меҳмонлар шарафига ўзбек-турк миллий маданий маркази қошидаги «Ахска йилдизлари» болалар ансамбли томонидан туркча куй-қўшиқлар ва рақслар ижро этилди.

Фото: «Дарё»

Фото: «Дарё»

Фото: «Дарё»

Мавлут Чавушўғлу Қўқон университетининг фахрий меҳмонлар китобига самимий тилакларини ёзиб қолдирди:

«Тарихий Қўқон, дея ном олиб келган бу мўъжаз шаҳарнинг илм марказида ва қадим бир маданиятга мезбонлик қилган ота тупроқларда эканлигимдан катта бахт ва ҳаяжон ҳис қиляпман. Бугунги кун ва келажак орасида алоқа ўрнатаётган Қўқон университетининг ўқитувчиларига ҳамда бу ерда таҳсил олаётган фарзандларимизга омадлар тилайман!

Фото: «Дарё»

Ўзбекистонлик қардошларимиз муваффақиятларидан ғурур-ифтихор ҳис этяпман. Бу университетда Ўзбекистон учун кўплаб муваффақиятларга асос солинишига умид қиламан».

Кейинги манзил шаҳардаги машҳур Ўрда майдони ва Худоёрхон саройи бўлди. Бу ердаги тарихий экспонатлар меҳмонлар эътиборини тортди.

Фото: «Дарё»

Жоме мажмуасига ташриф давомида Туркия ташқи ишлар вазири Қўқон ҳолвасининг тайёрланиш жараёнига гувоҳ бўлди. Қўқон шаҳрининг бой тарихи, маданияти ва ҳунармандчилиги билан танишди.

Фото: «Дарё»

Шу куннинг ўзида Мевлут Чавушўғлу Фарғонага ташрифини якунлаб, Тошкентга учиб кетди.