Uzbekistan Airways 29 июлдан Нукус—Ақтўбе—Нукус йўналиши бўйича янги мунтазам рейсларни амалга оширади. Бу ҳақда авиакомпания матбуот хизмати хабар берди.
Рейс ҳафтанинг ҳар пайшанба кунлари бир марта амалга оширилади.
Маълум қилинишича, Нукус—Ақтўбе йўналиши бўйича авиачипта нархи 1 071 693 сўмни ташкил этади. Нукус—Ақтўбе—Нукус маршрути бўйича чипталар нархи эса 1 853 472 сўмдан бошланади.
Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан харид қилиш мумкин.
Аввалроқ Тошкентдан Олмаотага учаётган самолёт ноқулай об-ҳаво сабаб ортга қайтарилгани, Uzbekistan Airways Покистон билан авиақатновларни тиклаши, Air India авиакомпанияси Ўзбекистонга мунтазам қатновлар учун рухсат олгани тўғрисида хабар берилганди.
Эслатиб ўтамиз, 2021 йилнинг мартида Қозоғистоннинг SCAT авиакомпанияси Ақтау–Урганч–Ақтау йўналишида илк парвозини амалга оширганди. 9 июнь куни Самарқанд аэропорти биринчи марта Олмаотадан рейс қабул қилди.
Изоҳ (0)