Ижтимоий тармоқларда вакцина ҳақида турли хил миш-мишлар ва ёлғон маълумотлар тарқалиши кузатилмоқда. Ушбу ҳолат юзасидан Санитария эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов аҳолига мурожаат қилиб чиқди.
«Жуда ҳам кўп ижтимоий тармоқларда бугунги кунда коронавирус инфекциясига қарши ишлаб чиқарилган вакцинанинг зарарли экани, у билан эмлангандан кейин жуда ҳам кўп салбий оқибатларга олиб келиши ва бошқа турли туман миш-мишлар тарқалмоқда. Шу ўринда алоҳида таъкидлаш жоизки, вакцина олган шахсларда ҳам касаллик қайд этилаётгани республикада ташкил қилинган коронавирусга қарши махсус шифохоналарида баъзи бир беморлар вакцина олганларидан кейин ҳам мурожаат қилаётгани ёки бўлмасам даво муолажаларини олаётгани учрамоқда.
Бу билан ОАВда вакцина ишламаётган экан, вакцина таъсир қилмаётгани ҳақида миш-мишлар ҳам тарқалмоқда. Йўқ, ундай эмас.
Вакцина елка мушагига қилингандан кейин 21 кун давомида одам организмида иммун тизим шаклланади. Яъни ушбу касалликка қарши антитаналар шаклланади.
Ушбу вакцинанинг 2-дозаси олинганда вакцина қилинган организмда кучлироқ тўлақонлироқ иммунитет шаклланади. Бугунги кунда фуқаролар томонидан қандай ҳолатлар кузатилмоқда; «Мен вакцина олдим, демак мен касалликдан тўлиқ ҳимояландим, менга касаллик юқмайди» деб тиббий ниқоблардан фойдаланишга чек қўйилади», – дейди Ботир Қурбонов.
Мавзуга доир: «Қуруқ сафсатадан бошқа нарса эмас». Нурмат Отабеков вакциналарнинг зарарли экани тўғрисидаги миш-мишлар ҳақида
«Албатта, вакцина аҳолини, жумладан, вакцинация олган шахсларни касалликдан ҳимоя қилади. Лекин касалликка қарши курашиш қобилиятини 100 фоиз таъминлаб берадиган вакцина дунёда йўқ.
Касалликдан ҳимоя қилади, қачонки сиз ҳам ўзингизни қўшимча равишда ҳимоя қилсангиз. Сизнинг организмингизда ушбу касалликка қарши антитаналар пайдо бўлади. Антитаналар миқдори сизга тушадиган вирусдан юқори бўладиган бўлса ушбу касалликни енгади.
Агарда сиз вакцина олганман, деб барча санитария-гигиена қоидаларига риоя қилмайдиган бўлсангиз сиз вакцина олган бўлсангизда, лекин касаллик юқтириб олишингиз гумони юқоридир.
Шу нарсани алоҳида эътиборга олган ҳолда вакцина олган шахслар ҳам вакцина олмаган шахслар ҳам бугунги кунда, албатта, санитария-гигиена қоидаларига риоя қилиши, тиббий ниқоблардан тўлиқ фойдаланиши касалликдан ҳимоя қилишда ёрдам беради», – дейди Ботир Қурбонов.
Изоҳ (0)