Наманган вилояти Мингбулоқ туманида 7 ёшли болани Nexia уриб кетди, дея хабар қилмоқда вилоят ИИБ.
Маълум қилинишича, 2021 йил 13 июль куни соат 15:45 ларда Мингбулоқ тумани Балиқчи—Мингбулоқ—Пунгон йўлининг 63-километрида Nexia русумли автомашинани бошқариб кетаётган ҳайдовчи ҳаракат хавфсизлигини таъминлай олмай, йўлни кесиб ўтаётган 2014 йилда туғилган пиёдани уриб юборган.
Оқибатда пиёда тан жароҳати олиб, шифохонада вафот этган.
Ушбу ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 2-қисми (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Бундан аввал Сурхондарёда тўхташ ишорасига амал қилмай, ЙПХ ходимини уриб кетган ҳайдовчи қамоққа олингани, Наманганда Damas билан тўқнашган Labo ҳайдовчиси вафот этгани ҳамда Қорақалпоғистонда автобус ва юк машинаси иштирокида содир бўлган ЙТҲ оқибатида икки киши ҳалок бўлгани ҳақида хабар берилганди.
Изоҳ (0)