Ўзбекистон олтин захираси бўйича дунёда 17-ўринни эгаллади

Ўзбекистон Марказий банки олтин захиралари бўйича дунёда 17-ўринни эгаллади, деб хабар бермоқда Spot World Gold Council (WGC) маълумотларига таяниб.

Жаҳон марказий банклари ярим йиллик танаффусдан сўнг олтинга инвестицияларни фаол равишда ошира бошлади — биринчи чоракда соф савдо 95,5 тоннани ташкил этган бўлиб, бу 2020 йилнинг иккинчи ярмига нисбатан 25 фоизга кўп.

АҚШ 8,1 минг тонна захиралари билан яна биринчи ўринда, бу мамлакат олтин-валюта захирасининг 79,2 фоизини ташкил этади. Иккинчи ўринда Германия (3,3 минг тонна, 76,2 фоиз), Италия учинчи (2,4 минг тонна, 70,8 фоиз). Ўзбекистон 352,7 тонна олтин захираси билан 17-ўринни эгаллаб турибди, бу мамлакат олтин-валюта захирасининг 60,5 фоизидир.

Марказий банклари олтинга инвестицияларни кўпайтиришда бешта мамлакат энг фаол бўлди. Улардан бири 32 тонна атрофида олтин сотиб олган Ўзбекистон Марказий банкидир.

Филиппин ва Туркиянинг Марказий банклари тенденцияга қарши ҳаракат қилиб, йил бошидан бери мос равишда 24,7 ва 18,1 тонна металл сотди. Натижада ушбу мамлакатлар захирасидаги олтин ҳажми мос равишда 164,1 тонна ва 526 тоннани ташкил этди.

Аввалроқ Ўзбекистоннинг олтин-валюта захиралари ҳажми бир ойда 1,37 миллиард долларга камайиб, 1 июль ҳолатига кўра 34,14 миллиард долларни ташкил этгани ҳақида хабар берилган эди.