Фарғона вилоятида қиймати қарийб 10 миллион сўм бўлган кучли таъсир қилувчи дори воситаларининг ноқонуний айланмасига чек қўйилди. Бу ҳақда «Дарё»га вилоят Божхона бошқармаси ахборот хизмати маълум қилди.
Маълум қилинишича, Фарғона вилоят Божхона бошқармаси контрабандага қарши курашиш ва божхона аудити бўлими ходимлари томонидан кучли таъсир қилувчи дори воситаларининг ноқонуний айланишига чек қўйишга қаратилган тезкор тадбир ўтказилган.
Тезкор тадбир давомида Фарғона—Қўқон йўналишида ҳаракатланаётган фуқаро М.Ш. бошқарувидаги Damas кузатувга олиниб, Фарғона шаҳри ҳудудида тўхтатилиб, холислар иштирокида кўздан кечирилган.
Текширув давомида транспорт воситаси салонида хорижда ишлаб чиқарилган ва тегишли ҳужжатлари бўлмаган, қиймати 10 миллион сўмлик 50 дона «Тропикамид» дориси топилиб, холислар гувоҳлигида олиб қўйилган.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)