Навоий давлат педагогика институтига ўқишга киритиб қўйишни ваъда қилган ўқитувчи ушланди, дея хабар қилмоқда Бош прокуратура ҳузуридаги Департамент матбуот хизмати.
Маълум қилинишича, Департамент ҳамда ДХХнинг Навоий вилояти бошқармалари томонидан ўтказилган тезкор тадбирда Навоий давлат педагогика институти катта ўқитувчиси А.Х. фуқаро С.ни «Мусиқа таълими» йўналиши бўйича ўтказиладиган кириш амалий имтиҳонларидан муваффақиятли ўтишини танишлари орқали ижобий ҳал қилиб бериш эвазига яқин қариндоши Т. орқали 2000 АҚШ долларини фирибгарлик йўли билан олгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Бундан аввал Янгийўлда 9 минг доллар эвазига фермер хўжалигининг 6 сотих ерини олиб беришни ваъда қилган шахс ушлангани, Бухорода 600 доллар эвазига сохта ҳужжат тайёрлаб берган кадастр ходими қўлга олингани ҳамда Тошкентда вазирликда ишлашини айтиб, ўқишга киритиб қўйиш эвазига фуқародан 10 минг доллар олган шахс ушлангани ҳақида хабар берилганди.
Изоҳ (0)