Наманган вилоятининг Косонсой тумани «Тергачи» маҳалласи ҳудудидаги «Кушон» кичик саноат зонасидан топилган бомбалар тўлиқ зарарсизлантирилди. Бу ҳақда «Дарё» мухбири Азизбек Абдувалиев хабар бермоқда.
Зарарсизлантириш ишлари Поп туманидаги Ғурумсарой қишлоғида жойлашган ҳарбий қисм полигонида амалга оширилди. Авиация бомбалари ўқув снарядлари эканлиги айтилмоқда.
Косонсой туманидаги «Навбаҳор» маҳалласида яшовчи Маҳмуджон ота Сулаймоновнинг айтишича, бомбалар топилган ҳудуд ўтган асрнинг 50 йилларига қадар ҳарбий полигон бўлган. У пайтларда бу ерларда деярли аҳоли яшамаган.
Снарядлар ўша пайтлардан қолиб кетган бўлиши мумкин.
Ҳозирда авиация бомбалари топилган ҳудудда навбатчилик ташкил этилган ва ФВБ ҳамда ИИБ махсус отрядлари томонидан қидирув ишлари олиб борилмоқда.
Эслатиб ўтамиз, 2021 йил 7 июль куни соат 09.00 атрофида Намангандаги «Кушон» кичик саноат зонаси ҳудудидан 4 та бутун ва 2 та ярим емирилган бомба топилганди.
Изоҳ (0)