Британиялик миллиардер Жим Ретклиффга тегишли Ineos Automotive компанияси 2020 йилда Grenadier йўлтанламасининг экстерерини тақдим этганди. Эндиликда классик Land Rover Defender’нинг «тақлидчиси» бўлган бурчакли автомобилга оид батафсил маълумотлар пайдо эълон қилинди, деб хабар беради Motor.
Марказий панел, мултирул, шунингдек, Grenadier шифтидаги люк орасига кўплаб тугма ва мурватлар ўрнатилган. Шифтга жойлаштирилган тугмалар ёрдамида ҳайдовчи дифференсиални блоклашни бошқариши, шунингдек, ҳаракатланиш режимларини ўзгартириши мумкин. Бундан ташқари, тугмалар ёрдамида чиғир ва қўшимча ташқи ёритишни бошқарса бўлади — ишлаб чиқарувчи ушбу функциялар остида «бўш» ўчириб-ёққичларни қолдирган.
Шунингдек, олд панелда диагонали 12,3 дюймга етадиган тачскрин жойлашган. Grenadier’нинг мултимедиа тизими анча замонавий: у Apple CarPlay ва Android Auto протоколларини қўллаб-қувватлайди ҳамда iDrive услубида «шайба» ёрдамида бошқарилади.
Бироқ йўлтанламас салонининг асосий ўзига хослиги — уни шланг ёрдамида ювиш имконияти. Резина билан қопланган пол қисмда сув чиқиб кетишига мўлжалланган тешиклар мавжуд, ўриндиқлар эса тез тозаланадиган мато билан қопланган. Аммо мижозлар гиламчалар ва чарм билан қопланган версияни ҳам буюртма қила олади.
Grenadier BMW мотори ёрдамида ҳаракатга келади, шунингдек, автомат узатмалар қутиси ZF’ники. Гап 281 от кучини (450 Нм) тақдим этишга қодир олти литрли бензин двигатель ҳақида кетмоқда.
Ineos йўлтанламаслари учун буюртмалар октябрь ойидан бошлаб қабул қилинади, машиналар илк мижозларга 2022 йилнинг июлидан жўнатилади. Аввалига беш эшикли версия, кейинроқ пикаплар яратилади.
Аввалроқ энг тезкор ва кучли Land Rover Defender аукцион орқали сотилаётгани тўғрисида хабар берилганди.
Мавзуга доир:
Изоҳ (0)