2020 йилда Хитойда SAIC Motor, General Motors ва Liuzhou Wuling Motors Cо компанияларининг SAIC-GM-Wuling қўшма корхонаси ёрқин дизайн ва жозибали нархга эга ўзининг биринчи электромобили — Baojun E300 EV’ни тақдим этганди. IXBT’нинг ёзишича, корхона ушбу моделнинг янги авлоди — Baojun KiWi EV’нинг анонси билан бўлишган.
SAIC-GM-Wuling корхонаси E300 ўрнини эгаллайдиган ва 2021 йилнинг учинчи чорагида сотувга чиқадиган Baojun KiWi EV электромобилининг биринчи расмий суратлари билан бўлишган. Афтидан, янги модель ўзидан олдингисидан фақат номи ва киритилган бироз ўзгартиришлари билан фарқ қилади.
Янги Baojun KiWi EV анча ёрқин рангларга эга бўлган. Унинг интерьери ҳам шу каби кўриниш олган, автомобиль бу борада ҳам ўзидан олдинги моделни такрорлайди, бироқ қурилмалар панели ва эшик картлари уч ўлчамли махсус мато билан бойитилган. Бундан ташқари, салон учун кўпроқ ранглар комбинацияси тақдим этилади, шунингдек, ўриндиқлар чарм билан қопланган ва эшик тутқичлари жуда қулай ишланган.
Автомобиль ўлчамлари 2625 х 1647 х 1588 миллиметрни, ғилдираклар базаси эса 1750 миллиметрни ташкил этади. Салон икки кишига мўлжалланган. Шунингдек, компания ғилдираклар базаси 2020 миллиметр, узунлиги 2984 метрга етадиган тўрт ўриндиқли версияни ҳам сотувга чиқаради.
Машина электродвигателининг қуввати 54 от кучига тенг бўлиб, максимал тезлиги соатига 100 километрга етади. Хитойда автомобиль тахминан 10 минг доллар қийматида сотувга чиқиши кутилмоқда.
Аввалроқ Хитойда Cobalt’дан икки баробар арзон электромобил сотувга чиққани, Хитойнинг Jiangsu Ruipaiying Import And Export Co. компанияси пикап кузовида яратилган ҳамёнбоп Changli CLZKC-009 электромобилини тақдим этгани тўғрисида хабар берилганди.
Изоҳ (0)