Янги шартлар ва имтиёзли фоизлар билан миллий валютадаги учта янги омонатлар онлайн ёки «Капиталбанк» филиалларида мавжуд.
Муваффақиятли тадбиркорларнинг барчаси тасдиқлайдиган оддий ҳақиқат шундаки, пул бўш турмаслиги керак. Пул ишлаши керак! Бу нафақат бизнесга, балки ҳар қандай, ҳатто энг оддий жамғармаларга ҳам тегишли. Агар бўш турган маблағлар мавжуд бўлса, уларни даромад келтиришга «мажбурлаш» керак. Энг содда ва айни пайтда жуда самарали восита — банк омонатлари.
Бугунги кунда сўмли омонатлар юқори ставкаларга эга бўлган чет эл валютасидаги омонатлардан фарқ қилади. Улар жамғармаларни инфляциядан ҳимоя қилиш ва шу билан бирга, мижозга яхши даромад келтириш мақсадида шу тарзда ўрнатилади. «Капиталбанк» мутахассислари миллий валютадаги фойдали фоизлар ва шу билан бирга фоизларни йўқотмасдан омонатни қайтариб олиш, тўлдириш ва ёпиш имкониятини берадиган мослашувчан шартлар билан омонатларнинг янги линиясини ишлаб чиқди.
«Барака» омонати йиллик 22 фоиз ставкаси ва 1 000 000 сўмлик энг кам бошланғич тўлов суммаси билан 25 ойлик узоқ муддатга мўлжалланган. Омонатни тўлдириш фақат дастлабки 18 ой ичида кўзда тутилади. Шунингдек, депозит шартларига кўра, фоизларни паст ставка бўйича қайта ҳисоблаш билан депозитни муддатидан олдин қайтариб олишга йўл қўйилади. Аммо сумманинг бир қисмини қайтариб олиш мумкин эмас.
Яна бир бошқа «Омонат» омонати йилига 21 фоиз билан маблағларни сақлаш ва кўпайтиришни таклиф қилади. Дастлабки тўловнинг энг кам миқдори, аввалгисида бўлгани каби 1 000 000 сўмни ташкил этади. Омонат муддати эса 25 ой. Омонатчи депозитни фақат дастлабки 18 ой ичида тўлдириши мумкин, аммо шу билан бирга омонатнинг бир қисмини қайтариб ололмайди. «Барака» омонатидан асосий фарқи — бу муддатидан олдин пул олиш учун қулайроқ шартлар, жумладан, фоизларни паст ставка бўйича қайта ҳисоблаш омонатнинг бутун даври учун эмас, балки фақат охирги 6 ой учун амалга оширилади.
Энг мослашувчан шартларга эга ва юқори фоизли омонат — «Копилка» 25 ойга мўлжалланган. Дастлабки тўловнинг энг кам миқдори 1 000 000 сўм, фоиз ставкаси йилига 20 фоиз. Ушбу депозитнинг афзаллиги шундаки, омонатни исталган вақтда тўлдириш ва керакли қисмини олиш имконияти мавжуд. Шунингдек, омонатни муддатидан олдин ёпишни назарда тутади. Бу ҳолда банк пул маблағлари ҳисобда турган ойларнинг ҳақиқий сони учун фоизларни белгиланган ставка бўйича тўлайди.
Шуни таъкидлаш керакки, ушбу омонатлар линияси бўйича йиллик фоиз ставкаси Марказий банкнинг ҳозирги кунда 14 фоиз этиб белгиланган қайта молиялаштириш ставкасига асосланиб шакллантирилади. Масалан, «Барака» омонатининг йиллик ставкаси 22 фоиз, у икки қисмдан иборат — 14 фоиз (қайта молиялаштириш ставкаси) ва 8 фоиз (банк ставкаси). Агар Марказий банк қарори билан қайта молиялаштириш ставкаси ўзгартирилса, ўша кундан бошлаб омонатларнинг йиллик фоиз ставкаси ҳам ўзгаради. Бундай ҳолда, ўзгаришлардан олдин ҳисобланган фоизлар қайта ҳисоблаб чиқилмайди.
Барча омонатларни «Капиталбанк»нинг исталган филиалида ёки Apelsin мобил иловаси орқали бир неча дақиқада онлайн тарзда очиш мумкин. Ушбу линиядаги барча омонатларнинг фоизлари ҳар ой мижоз учун қулай бўлган шаклда, омонат валютасида тўланади ёки мобил иловадаги ҳамён ҳисоб рақамига ўтказилади. 16 ёшдан бошлаб паспорт билан «Капиталбанк» омонатчиси бўлиш мумкин.
Депозитни очиш шартлари ҳақида батафсил +99871 200 15 15 рақамига қўнғироқ қилиб ёки «Капиталбанк» расмий сайтидан билиб олишингиз мумкин.
Реклама ҳуқуқи асосида.
Изоҳ (0)