Xiaomi компанияси ўзининг Youpin коллектив молиялаштириш майдончасида янги маҳсулотини тақдим этди. Гап ёруғлик диодли фонар билан жиҳозланган, автоматик равишда қайта йиғилувчи соябон ҳақида кетмоқда, деб хабар беради IXBT.
Соябонни Xiaomi томонидан қўллаб-қувватланувчи Urevo компанияси ишлаб чиқаради. Бир сонияда очиладиган қурилма 11 доллар эвазига сотувга чиқиши кутилмоқда. Фонар 10 метргача узоқликни ёритишга қодир учта ёруғлик диод билан жиҳозланган. Соябон тутқичига ўрнатилган фонарнинг оғиш бурчагини осонликча бошқариш мумкин — шу орқали ҳам кетаётган йўлни ёрица, ҳам ёмғирдан ҳимояланса бўлади.
Соябонни очиш ва ёпиш битта тугмани босиш орқали амалга оширилади. Йиғилган ҳолатда соябон тутқичига сув оқмайди, фойдаланувчи соябонда қолган сувларни уни буриб, тўкиб ташлаши мумкин.
Ишлаб чиқаришда гидрофоб қопламали зичлиги 210Т га тенг матодан фойдаланилади. Ёмғир сувлари томчи шаклига кириб, тезда соябондан оқиб кетади. Мато ультрабинафша нурларни 99 фоиз самарадорликда блоклашга қодир. Ички қисми винил қопламага эга бўлиб, ёруғлик ва иссиқликни блоклайди.
Соябон каркаси мустаҳкам шиша толадан ишланган ва у кучли ёғингарчилик ҳамда шамолга бардошли.
Изоҳ (0)