Актриса Азиза Ёқубова онасининг туғилган кунига қандай сюрприз тайёрлагани акс этган видеони фолловерларига намойиш этди. Азизанинг онаси 4 июль куни 60 ёшни қарши олди. Шу муносабат билан у онасига кутилмаган совға тайёрлади.
Актриса яшайдиган кўп қаватли уй олдида «Онажон» ёзуви ўрнатилди, қизил йўлакча ташкиллаштирилди ҳамда гуллар билан безатилди. Азиза онасига атаб таъсирли шеър ўқиди, шеърни ўқиётганида унинг ўзи ҳам, онаси ҳам йиғлаб юборди. Шундан сўнг даврага хонанда Умар Шамсиев қўшилди ҳамда оналарни мадҳ этувчи қўшиғини куйлай бошлади. Шу пайт Азиза усти лента ва гуллар билан безатилган оқ рангли Gentra’ни ҳайдаб келиб, калитни онасига топширди. Актрисанинг онаси қизидан миннатдор бўлиб, уни узундан узоқ дуо қилди.
Аввалроқ хонанда Дилсўз ҳам онасига машина совға қилган эди.
Шунингдек, «Миллион» кулги жамоси вакили Алишер Ботиров ҳам отасига Tracker совға қилган эди.
Изоҳ (0)