Детокс бу — вазн йўқотишга қаратилган диета эмас, унинг вазифаси танада тўпланган токсинлар, зарарли моддалардан халос бўлиш, витамин ва минераллар етишмовчилигини тўлдиришга ёрдам беришдир. Қуйидаги Голливуд юлдузлари синовдан ўтган ҳақиқий рецептлари билан бўлишади.
Гвинет Пелтроу
«Мен авокадо, нута, сабзи ва занжабилдан шўрва тайёрлайман. Аввалига нута ва сабзи юмшоқ бўлгунча қайнатаман, занжабилни қирғичдан ўтказиб соламан, сўнгра барча маҳсулотларни блендерда эзиб, пюре қиламан. Асосийси, туз ва қалампир қўшмаслик!»
Бейонсе
«Мен оддий, аммо жуда фойдали салат тайёрлайман ва уни кун бўйи истеъмол қиламан: киноа, озгина қовурилган ёки печда пиширилган қўзиқорин ва авокадо бўлаклари солинган салат. Бу салат тўйимли, мазали ва ажойиб тарзда токсинлардан халос қилади».
Виктория Бекҳэм
«Турмуш тарзим — доимий детоксдан иборат, лекин организмни яхшилаб тозаламоқчи бўлсам, гўшт ва балиқдан, шунингдек, кислоталиги юқори бўлган маҳсулотлардан воз кечаман – натижаси эса ажойиб».
Кэти Пэрри
«Детоксга зарурат сезсам, 24 соат давомида фақат кўк чой ичаман ва карамни хомлигича истеъмол қиламан. Бунда буйраклар ва жигар тозаланади, ўт пуфаги нормал ҳолатга келади, организмимга қанчалик енгиллик бўлганини тезда ҳис қиламан!»
Робин Лоули
«2 дона музлатилган банан, 2 ош қошиқ исмалоқ, 3 ош қошиқ бодом мойи, битта нок ва бир стакан сут. Ҳаммасини аралаштириб, истеъмол қилинг»
Ҳайди Клум
«Бодринг ва қовунли салат ва кун давомида камида уч литр сув танани тозалайди. Бу енгиллик ва куч-қувватни ҳис қилишнинг исботланган усули».
Женнифер Энистон
«Мен зарарсиз озиқ-овқат йўқлигига ишонаман, барча озиқ-овқат таркибида токсинлар бор, чунки биз тутун ва ифлосланган дунёда яшаяпмиз. Мен учун детокс кун бўйи сувда бўлиш. Мана шу ҳақиқий детокс»