Қирғизистон пойтахти кўчалари бўйлаб Ўзбекистонда ишлаб чиқарилган 50 та янги автобуслар қатновни бошлади. Бу ҳақда Бишкек мериясига таяниб, «Kaktus.Media» хабар берди.
Isuzu маркасидаги автобусларнинг узунлиги 6,9 метрни ташкил этади, эшиклари иккита, 38 нафар йўловчи учун мўлжалланган, ўриндиқлар сони 16 та.
Бишкек ҳокимлиги сайтида қайд этилишича, Ўзбекистондан Бишкекка 2021—2023 йиллар давомида минг дона автобус етказиб берилади.
Бу ҳақда 11 май куни Бишкек ҳокимлиги ва етказиб берувчи компания — «Эко-пассажирские перевозки» ўртасида ҳамкорлик меморандуми имзоланган бўлиб, унга кўра, 2021 йил охирига қадар 350 та Isuzu автобуси Бишкекка етказилиши керак.
Эслатиб ўтамиз, июнь ойининг ўрталарида Ўзбекистонда ишлаб чиқарилган Isuzu автобусларининг 21 таси Бишкек кўчаларида қатнай бошлагани тўғрисида хабар берилганди.
Изоҳ (0)