Евро—2020. Испания пенальтилар сериясига қадар борган ўйинда Швейцариядан устун келди ва ярим финалга чиқди
Футбол бўйича Евро—2020 чорак финалида Швейцария ва Испания терма жамоалари ўртасидаги баҳс 2 июль, жума куни бўлиб ўтди.
Учрашув дебютидаёқ испанлар олдинга ўтиб олди, Хорди Альбанинг узатмасидан кейин Закария ўз дарвозасини ишғол қилиб қўйди. 68-дақиқада Жердан Шакири мувозанатни тиклашга муваффақ бўлди.
77-дақиқада швейсарияликлар вакили Ремо Фройлер қўпол ҳаракати учун тўғридан-тўғри қизил карточкага лойиқ кўрилди. Учрашувнинг қолган қисми ва қўшимча бўлимлар тўлиқ Испаниянинг устунлигида ўтди, бироқ «қизил фурия» рақиб дарвозасига йўл топа олмади. Пенальтилар сериясида Испания омадлироқ чиқди.
Шу тариқа Испания ярим финалга йўл олди ва у ерда Бельгия—Италия учрашуви ғолиби билан ўйнайди.
Швейцария — Испания учрашуви видеошарҳини бу ерда томоша қилиш мумкин — кўриш.
Евро—2020
1/4 финал баҳси
2 июль, жума
Швейцария — Испания 1:1
Пенальтилар серияси — 1:3Голлар: 0:1 – 8, автогол Закария, 1:1 – 68 Шакири.
Швейцария: Зоммер, Родригес, Аканжи, Эльведи, Видмер (Мбабу, 100), Закария (Шер, 100), Фройлер, Зубер (Фасснаҳт, 90), Шакири (Соу, 81), Сеферович (Гавранович, 82), Эмболо (Варгас, 23).
Испания: Унаи Симон, Пау Торрес (Тиаго Алькантара, 113), Аспиликуэта, Ляпорт, Альба, Сарабия (Олмо, 46), Бускетс, Педри (Родри, 119), Коке (Льоренте, 90), Ферран Торрес (Ойарсабаль, 90), Мората (Херар Морено, 54).
Огоҳлантиришлар: Видмер (67), Ляпорт (90).
Четлатиш: Фройлер (77).
