Суперлига. «Турон» мавсумдаги илк ғалабасини қўлга киритди, «Қизилқум» эса ўз уйида «Машъал»дан устун келди
2 июль, жума куни футбол бўйича Ўзбекистон Суперлигасининг 12-тур ўйинлари старт олди.
«Қизилқум» ўз уйида «Машъал»ни қабул қилди ва ғалаба қозонди. 18-дақиқада Эркин Бойдуллаев жарима зарбасидан тўпни дарвозага аниқ йўллаган бўлса, 29-дақиқада Элгужа Григалашвили пенальтидан гол уриб, ҳисобни 2:0 кўринишига олиб келди.
«Қизилқум» 12-турдан сўнг очколарини 20 тага етказиб 4-ўринга чиқиб олди, «Машъал» эса 9 очко билан 11-ўринни эгаллаб турибди.
«Турон» Яйпанда бўлиб ўтган ўйинда «Металлург» устидан ишончли ғалабани қўлга киритди. 18-дақиқада Музаффаржон Музаффаров пенальтини амалга ошириб, жамоасини олдинга олиб чиқди. «Турон» сафида иккинчи гол Ким Бо Ёнг номига ёзилди.
Мавсумдаги илк ғалабасини қўлга киритган «Турон» очколари сонини 7 тага етказди ва 13-ўринни банд этиб турган бўлса, «Металлург» 16 очко билан 6 ўринда қолди.
Суперлига
12-тур баҳслари
2 июль, жума
«Қизилқум» — «Машъал» 2:0
Голлар: 1:0 — 18 Бойдуллаев, 2:0 — 29, пенальти Григалашвили.«Қизилқум»: 1. Игнатий Нестеров, 6. Эркин Байдуллаев, 8. Георгий Кухианидзе, 10. Мате Вацадзе (23. Шерали Жўраев, 83), 17. Салим Мустафоев, 18. Жасур Азимов (4. Миржалол Қосимов, 83), 19. Жамшид Ҳасанов (9. Беҳруз Садиллоев, 65), 20. Ислом Тўхтахўжаев, 25. Азизбек Усмонов, 30. Элгужа Григалашвили (44. Ҳумоюн Абдуалимов, 90+3), 75. Олег Толмасов
«Машъал»: 12. Шоҳруҳжон Эшбўтаев, 2. Зафарбек Акрамов (77. Иброҳим Нўмонов, 62), 11. Самюэль Онониву Чигозе (97. Руслан Хожиев, 76), 13. Шаҳзод Шайманов (6. Абдумалик Норқобилов, 85), 15. Муҳаммадали Алиқулов, 18. Аббос Шодмонов (27. Муҳаммадали Йўлдашев, 46), 19. Сардор Абдураимов (22. Сирожиддин Қўзиев, 62), 20. Худоёрхон Сагдуллаев, 23. Самандар Шукуруллаэв, 33. Сирожиддин Аллаев, 99. Жаҳонгир Абдусаломов.
Огоҳлантиришлар: Толмасов (85), Усмонов (90+1).
Четлатиш: Шукуруллаев (90).
«Турон» — «Металлург» 2:0
Голлар: 1:0 — 18, пенальти Музаффаров, 2:0 — 58 Ким Бо Ёнг«Турон»: 87. Акмал Ортиқов, 17. Музаффаржон Музаффаров, 18. Фозил Мусаев, 19. Владислав Касминин, 21. Орипхўжа Абдухолиқов (23 Абдураҳмон Абдулҳақов, 45), 22. Абдулазизхон Абдурашидов, 30. Синиша Бабич (3 Давронбек Умиров, 82), 32. Жаҳонгир Меҳмонов, 43. Ким Бо Ёнг, 55. Даян Поневич, 77. Билол Тошмирзаев.
«Металлург»: 12. Александр Лобанов, 4. Одилбек Абдумажидов, 7. Дониёржон Нарзуллаев (11. Иван Нагаев, 63), 14. Аброр Тошқўзиев (10 Шаҳзодбек Нурматов, 76), 15. Зоҳид Абдуллаев, 21. Комолиддин Тожиев, 22. Шаҳзодбек Ғофурбеков, 27. Ихтиёр Тошпўлатов, 28. Станислав Андреев, 48. Дилшод Раҳматуллаев, 98. Дамир Темиров.
Огоҳлантиришлар: Тошпўлатов (20), Нагаев (72), Тожиев (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
