Eriell Group жорий йилнинг биринчи ярим йиллигига мўлжалланган лойиҳаларга доир ишлар натижаларини сарҳисоб қилди.
2017—2021 йилларда углеводород хом ашёси қазиб олишни ошириш бўйича чора-тадбирлар дастури доирасида, «Ўзбекнефтгаз» АЖ конларини ободонлаштириш бўйича жорий йилнинг биринчи чорагида 29 та қудуқ ишга туширилди, 5 та қудуқ ободонлаштирилди, 24 та қудуқ ЭКҲ (электр кимё ҳимояси)га уланди.
Жорий йилнинг иккинчи чорагида 23 та қудуқ ишга туширилди, 3 та коллектор газ қувури ишга туширишга тайёр, 4 та қудуқ ободонлаштирилди, 32 та қудуқ ЭКҲга уланди.
Шу тариқа, биринчи ярим йилликда 52 та қудуқ ишга туширилди, 3 та коллектор газ қувурини ишга туширишга тайёр, 9 та қудуқ ободонлаштирилди, 56 та қудуқ ЭКҲга уланди.
Лойиҳанинг муҳим кўрсаткичлари бўйича бурғиланиши ва қурилиши режалаштирилган 185 та қудуқдан 116 таси бурғиланган, 110 та қудуқ қурилган. Лойиҳа тугаллангунга қадар 69 та қудуқ бурғиланиши ва 75 таси қурилиши лозим. Жорий йилнинг биринчи ярим йиллигида 51 та қудуқ бурғиланган, 49 та қудуқ қурилган.
Биринчи ярим йилликда қуйидаги конларда табиий газ ўсишининг энг яхши кўрсаткичлари қайд этилди:
- Қуйи Сургил № 14 — суткасига 717 минг м3;
- Саватли № 11 — суткасига 241 минг м3;
- Ўртабулоқ № 234 — суткасига 130 минг м3;
- Дояхотин № 87 — суткасига 115 минг м3;
- Андакли № 13 — суткасига 357 минг м3;
- Шимолий Бердақ № 98 — суткасига 271 минг м3;
- Шарқий Бердақ № 50 НН — суткасига 200,29 минг м3;
- Кулбешкак № 52 — суткасига 177,17 минг м3;
- Шимолий Бердақ №99 — суткасига 182 минг м3.
Лукоил Uzbekistan Оператинг Company учун биринчи ярим йилликда шартномага мувофиқ, 11 та қудуқнинг 4 тасида ҚМТ бўйича ишлар амалга оширилди.
Натурал Гас-Stream МЧЖ ҚК билан тузилган шартномага мувофиқ, биринчи ярим йилликда мазкур компания учун 8 та қудуқ мукаммал таъмирланди, бурғилашдан сўнг 4 та қудуқ ўзлаштирилди. Шунингдек, шартнома доирасида битта қудуқда иккинчи ён устун бурғиланди (ён устунларни кесиш). Кон ўзлаштирилгач, яхши газ оқими олинди.
2 Урга (ЗБС) қудуғида ўтказилган гидродинамик ва газоконденсат тадқиқотлари натижасида, қуйидаги кўрсаткичларга эришилди: 14 миллиметрлик штуцерда дебит суткасига 202,215 м3.ни ташкил қилди.
Мустақилликнинг 25 йиллиги лойиҳаси жамоасининг мувофиқлашган иши туфайли жорий йилнинг биринчи ярим йиллигида қудуқлар қурилиши борасида салмоқли натижаларга эришилди. Ягона мақсад, манфаатлар, ўзаро ҳамжиҳатлилик ва жамоавий масъулият нафақат Ўзбекистон, балки бутун дунёдаги энг мураккаб конларнинг биридаги қудуқларни бурғилаш ва ўзлаштиришда юксак натижаларга эришиш имконини берди.
Жорий йилнинг биринчи ярим йиллигида Ўзбекистонда 444,5 миллиметр долото билан бурғилашда механик тезлик бўйича рекорд қайд этилди, бир суткада 362 метрлик жой кавланди. Мазкур натижа буюртмачи томонидан юксак баҳоланди.
Биринчи ярим йилликда 10542 п/м.лик бурғилаш ишларини амалга ошириш режалаштирилган эди. Ҳозирги кунда бу режа ортиғи билан бажарилди — 11360 п/м.лик жой бурғиланиб, бу режадаги бурғилаш ишларининг 107 фоизини ташкил этмоқда.
Қудуқларни бурғилаш орқали топшириш режаси 100 фоизга бажарилди. Улардан бирида синаш бўйича қўшимча ишлар амалга оширилмоқда. М-25 лойиҳаси жамоаси эришилган натижаларда тўхтамоқчи эмас. Иккинчи ярим йилликда бурғилаш ишларини янада кенгайтириш ва истиқболли инновацион ғояларни ҳаётга тадбиқ этиш ва мураккаб газ қудуқларини бурғилашда дунё тажрибасидан фойдаланиш орқали қудуқларни бурғилаш йўли билан топширишни режалаштирмоқда.
Асосий фаолиятидан ташқари Eriell Group хайрия фаолияти ва ижтимоий ҳаётда ҳам фаол иштирок этмоқда. Компания ходимлари томонидан мунтазам равишда турли хайрия акциялари ўтказилади, мамлакатимиз ва дунё учун муҳим бўлган саналар нишонланади.
Eriell Group томонидан Наврўз муносабати билан ўтказилган хайрия экологик акцияси доирасида Тошкент шаҳар ҳокимияти кўмагида Олмазор туманидаги Ғалаба боғи ҳудудида 200 та дарахт кўчати ўтказилди. Тадбирда компаниянинг 60 нафардан зиёд ходими ва уларнинг фарзандлари иштирок этди. Экиш учун эман, каштан ва чинор кўчатлари танлаб олинди. Акцияда Eriell’нинг Қаршидаги ходимлари ҳам иштирок этди. Ўз маблағи ҳисобидан Қарши шаҳридаги «Мурувват» интернат-уйи ҳудудига 20 та япон сафораси кўчати экди.
Ҳар йили Иккинчи жаҳон уруши фахрийларини Хотира ва қадрлаш куни билан табриклаш ҳам анъанага айланган. Жорий йилнинг май ойида Eriell Group томонидан Ўзбекистон Республикаси Мудофаа вазирлиги иштирокида Қашқадарё вилоятида истиқомат қилаётган 22 нафар фахрий зиёрат қилинди.
Халқаро болаларни ҳимоя қилиш куни муносабати билан Ўзбекистон Республикаси Энергетика вазирлиги томонидан Eriell Group билан ҳамкорликда Супер Лео хайрия лойиҳаси ишга туширилди. Мазкур лойиҳа мактабгача ёшдаги бўлган болаларни энергия ресурсларини тежаш ва табиатга эҳтиёткорлик билан муносабатда бўлиш қоидаларини ўргатишга қаратилган.
Мазкур лойиҳа билан Eriell Group ва Ўзбекистон Республикаси Энергетика вазирлиги вакиллари Миллий болалар тиббиёт марказида бўлиб, гемато-онкология бўлимидаги жажжи беморларнинг ҳолидан хабар олишди. Eriell Group Миллий болалар тиббиёт марказига зарур дори-дармонлар сотиб олиш ва болалар хонасини жиҳозлаш учун 50 миллион сўмлик сертификатни топширди.
Eriell Group замон билан ҳамнафас одимламоқда, ўз фаолиятига илғор технологияларни жорий этмоқда, техника паркини кенгайтирмоқда ва юқори малакали мутахассисларни жалб қилмоқда. Компания бошқа ташкилотлардаги ҳамкорлари саъй-ҳаракатларини бирлаштирган ҳолда ижтимоий муҳим ташаббусларни қўллаб-қувватлашда давом этади.
Eriell Group матбуот хизмати
Изоҳ (0)