Футбол бўйича Евро—2020 1/8 финалида Франция ва Швейцария терма жамоалари 28 июнь, душанба куни ўзаро тўқнаш келди.
Учрашув французларнинг устунлигида бошланган бўлса-да, биринчи бўлиб Швейцария ҳисобни очди. Ҳарис Сеферович 15-дақиқада Швейцарияни олдинга олиб чиқди. Иккинчи бўлим дебютида «банкирлар» иккинчи голни ҳам уриши мумкин эди, бироқ Рикардо Родригес пенальтидан унумли фойдалана олмади.
57-дақиқада Карим Бензема мувозанатни тиклаган бўлса, орадан икки дақиқа ўтиб, Карим дублни қайд этган ҳолда Францияни олдинга олиб чиқди. 75-дақиқада Пол Погба узоқ масофадан дарвозанинг «тўққизлик» бурчагини аниқ нишонга олиб, чиройли гол муаллифига айланди.
81-дақиқада Сеферовичнинг голидан кейин ўйинга интрига қайтди. Асосий вақтнинг сўнгги дақиқасида эса Марио Гавранович ҳисобни 3:3 кўринишига келтирди. Асосий вақтда дуранг қайд этилгач, қўшимча бўлимларга мурожаат қилинди. Унда ҳам ҳисоб ўзгармади. Пенальтилар сериясида эса омад Швейцарияга кулиб боқди.
Швейцария чорак финалга йўл олди ва ярим финал йўлида Испанияга қарши баҳс олиб боради.
Евро—2020
1/8 финал баҳси
28 июнь, душанба
Франция — Швейцария 3:3
Пенальтилар серияси — 4:5Голлар: 0:1 – 15 Сеферович, 1:1 – 57 Бензема, 2:1 – 59 Бензема, 3:1 – 75 Погба, 3:2 – 81 Сеферович, 3:3 – 90 Гавранович.
Франция: Льорис, Варан, Кимпембе, Лангле (Коман, 46; Тюрам, 111), Павар, Погба, Канте, Рабьо, Бензема (Жиру, 94), Мбаппе, Гризманн (Сиссоко, 88).
Швейцария: Зоммер, Эльведи, Аканжи, Родригес (Меҳмеди, 87), Видмер (Мбабу, 73), Зубер (Фасснаҳт, 79), Фройлер, Жака, Шакири (Гавранович, 73), Эмболо (Варгас, 80), Сеферович (Шер, 97).
Огоҳлантиришлар: Варан (30), Эльведи (32), Родригес (62), Жака (76), Коман (88), Павар (91), Аканжи (108).
Изоҳ (0)