Нафақат фитнес клубларда, балки уй шароитида ҳам шуғулланиш мумкин бўлган пилатес машқларининг саломатлик ва гўзалликка қандай таъсир қилиши ҳақида маълумот бериб ўтамиз.
Суяклар билан боғлиқ муаммолар
Суяклар билан боғлиқ муаммоларнинг аксариятини пилатес билан шуғулланиш орқали бартараф қилиш мумкин. Турли жароҳатларнинг оқибатлари, суякларнинг кучсизлиги, кам ҳаракатли ҳаёт тарзи билан боғлиқ муаммолар мунтазам равишда амалга оширилган амалиёт жараёнида аста-секинлик билан бартараф бўла бошлайди. Машқлар методикаси тананинг барча суякларини комплекс тиклаш, мустаҳкамлаш ҳамда яшартириш натижада эса қон айланишини яхшилаш асосида ишлаб чиқилган. Пилатес фитнеснинг жароҳатланишлардан ҳоли тури ҳисобланади. Зарбали зўриқишларнинг йўқлиги суякларни кичик жароҳатлардан ҳимоя қилади.
Бел соҳасида оғриқ ва танадаги спазмлар
Пилатес — танадаги мускулларни чиниқтиради. Спазмлар қадди-қоматнинг қийшайиши, бош оғриғи ва бошқа муаммоларга олиб келади. Машқларни доимий равишда такрорлаш ташқи кўриниш ва саломатликка ҳам ижобий таъсир қилади, зўриқишлар бартараф бўлади.
Лоҳаслик ва сурункали чарчоқ
Мушаклар билан мунтазам равишда балансда ишлаш уларнинг мустаҳкамлаб, чарчоқ ва стресс йўқолишига сабаб бўлади. Мунтазам равишда бир ой шуғуллангандан кейин қадди-қомат текисланиб, тана тетиклашади ва киши ўзини энергияга тўла ҳис қилади. Пилатесда нафақат зўриқиш, балки мушакларни бўшаштиришни ҳам билиш керак. Асаб тизими аста-секинлик билан балансда бўла бошлайди, муаммолар бартараф бўлади.
Стресс ва энергиянинг етишмаслиги
Пилатеснинг ҳар бир машқи нафасга диққат қилиш ҳамда тинчланишга қаратилган бўлади. Киши ташқи омиллар, ёқимсиз ҳодисаларга ортиқча ва кескин эътибор бермаса, ўзини яхши ҳис қилиб, қийинчиликларни енгиб ўтишда ўзида куч топади. 1-2 ой шуғуллангандан кейин ўзгаришлар сезила бошлайди. Мушаклар таранглашади, жисмоний ва руҳий зўриқишлар камаяди, тинч ҳамда тиниқиб ухлашга эришилади.
Уйқусизлик
Пилатеснинг комплекс машқлари нафақат саломатлик, балки уйқуга ҳам ижобий таъсир қилади. Бунга машғулотлардан кейин қон айланиши яхшилангани, асаб тизимида ўзгаришлар юз бергани сабаб бўлади.
Нафас олишга қийналиш, юрак-қон томир тизими билан боғлиқ муаммолар.
Кўп ўтиришнинг оқибатида келиб чиққан муаммолар машқлар давомида ўз ечимини топа бошлайди. Умуртқа поғонасидаги зўриқишлар секин-аста камаяди, қон айланиши яхшиланиши эса нафас олиш яхшиланишига ҳисса қўшади.
Қадди қоматни тик тутиш билан боғлиқ муаммолар
Мушаклар мустаҳкамлангани ва таранглашгани ҳисобига умуртқа текисланади. Натижада одам елкаларини қисмасдан, енгил юради.
Ортиқча вазн
Ортиқча вазн сабаб организмга, мушак ва суяклар аҳволига салбий таъсир қилиб ҳаракатларни қийинлаштиради. Машқларни мунтазам ва тўғри бажариш эса организмдан ортича суюқликни чиқаришга ҳисса қўшади. Вазн аста-секин аммо хавфсиз камаяди.
Сколиоз ва умуртқа билан боғлиқ бошқа муаммолар
Қадди-қоматнинг тик бўлиши гўзаллик ва саломатлик гарови. Айнан умуртқанинг текисланиши ва мустаҳкамланиши пилатеснинг энг асосий самараларидан бири ҳисобланади.
Репродуктив саломатлик
Машқлар жараёнида қон айланишининг яхшиланиши эркак ва аёлларнинг саломатлигига ижобий таъсир қилади.
Мавзуга доир:
