Нью-Йоркда тунги клубга кирмоқчи бўлган Рианна ва A$AP Rocky’ъни соқчилар тўхтатиб қолди. Кириш эшиги олдида турган одамлар уларни танимаслигини айтиб, юлдузлардан шахсини тасдиқловчи ҳужжатларни сўраган, деб хабар беради Esquire.
«Ҳозиргина бир барзанги Рианнанинг ёнида гувоҳномаси йўқлиги учун барга киргизмаганини кўрдим», — деб ёзади Алек Нелманд исмли Twitter фойдаланувчиси.
Шундан сўнг ижтимоий тармоқларда жуфтлик эшик қаршисида тургани ва орқадан кимдир «Кимлигингларни умуман билмайман!» дея бақиргани тасвирланган видео тарқалди.
Кейинроқ интернетда Рианна ва A$AP Rocky автомат ўйинларини ўйнаётгани тасвирланган ролик пайдо бўлган, афтидан, киришдаги муаммо бартараф этилган кўринади.
Twitter’даги фойдаланувчилар Рианнанинг клубга киргизилмаслиги, у 2019 йилдан буён янги альбомини тақдим этишни ваъда қилиб, бунинг устидан чиқмай келаётгани учун қасос дея ҳазиллашмоқда. Қўшиқчининг сўнгги — АNТI номли пластинкаси 2016 йилда чиққан.
Изоҳ (0)