Юлдузлар билан ишлаш баъзида чидаб бўлмас даражада қийин эканлигини қуйидаги маълумотлардан ҳам билиб олиш мумкин.
Бейонсе
Энг машҳур жуфтликларидан бири Бейонсе ва Jey-Z’нинг қизи Блу Айвининг шахсий ошпази, стилисти, тансоқчиси ва ҳатто пониси бор. Гўдаклигида унга икки энага қараган. Улардан бирининг вазифаси болани фақат онаси айтган қўшиқ билан тинчлантириш эди. Шунинг учун энага нафақат қўшиқ сўзларини ёдлаган, балки хонанданинг барча ҳаракатларини такрорлашга ва чақалоқнинг ҳар бир талабига биноан кунига беш марта бу қўшиқни айтиб беришга мажбур бўлган.
Александр Малинин
Машҳур қўшиқчининг энага учун қатъий талаблари бор: у сочлари оч рангда ва 44 ўлчамдан ошмайдиган озғин бўлиши керак. Болаларга яқинлашишдан олдин душга тушиб, кейин халат ва ниқоб кийиши шарт.
Шарлиз Терон
Мафтункор Шарлиз эса хизматкорларига унга қарашга ва гаплашишга умуман рухсат бермайди. Хизматкор полга қараган ҳолда барча саволларини ёзма равишда бекасига беради. Саволлар учун махсус журнал тузилган: агар бирор нарсани аниқлаштириш керак бўлса, эслатма қолдириб, жавобини кутиш лозим.
Шон Пенн
Шарлиз Тероннинг собиқ севгилиси ҳам оғир характерга эга. Бир марта актёр қайиқда балиқ тутаётганда ёрдамчиси кўрфазнинг ўртасига сигарет қутиси солинган пакет билан сузишга мажбур бўлган. Чунки актёр ўша пайт чекишни хоҳлаб қолган.
Наоми Кемпбелл
Таниқли модель хизматкорининг бошига телефон гўшаги билан ургани кўплаб муҳокамаларга сабаб бўлган. Аммо у бу билан тинчимаган. Бир мунча вақт ўтгач у аэропорт ходимининг юзини тирнаб, ҳайдовчисини тепиб юборган. Бунинг учун у бир неча миллион доллар тўлашга мажбур бўлган.
Бритни Спирс
Бритнининг собиқ хизматкори ишдан бўшатилгани учун қасос олиб, юлдуз катталар учун ўйинчоқлар йиғиши, бургер ва картошкасиз яшай олмаслиги ҳақида гапириб берган.
Меган Фокс
Меган эса уй хизматчисининг сўзларига кўра, сочларини бир неча ҳафта ювмаслиги мумкин.
Жонни Депп
Машҳур актёрнинг ёрдамчилари ҳам юлдузнинг одатларидан мамнун эмас. Ишдан бўшатилгандан сўнг улар Жони 10 кун давомида бир хил кийимда юриши мумкинлиги, бошқалар эса унинг ёқимсиз ҳидига чидашлари кераклигини айтиб беришган.
Мадонна
Мадоннанинг хизматкорлари эса уйқу нималигини билмайди. Улар ҳар куни кечаси хонандага тахминан 6 марта бир шиша тоза сув олиб келиши керак.
Леди Гага
Поп-юлдузнинг собиқ шахсий хизматкори судда хонанда унга тўшагини иситишни, телевизорни бошқа каналга олишни ва ҳожатхонани ювишни буюргани учун бир неча миллион доллар жарима тўлашга мажбур қилган.
Изоҳ (0)