Ўзбекистонда бир сутка ичида 419 кишида коронавирус аниқланди. Касалликка чалинганлар сони 107 мингдан ошди
Ўзбекистонда 22 июнь куни 419 кишида коронавирус аниқланиб, мамлакатда COVID-19 қайд этилганлар сони расман 107 266 нафарга етди. Охирги 4 кун ичида учинчи марта касалланишлар сони 400 дан юқори бўлмоқда. Бу ҳақда ССВ хабар бермоқда.
Янги касалланиш ҳолатларининг
- 3 нафари Қорақалпоғистон Республикасида,
- 10 нафари Андижон вилоятида,
- 25 нафари Бухоро вилоятида,
- 27 нафари Жиззах вилоятида,
- 7 нафари Қашқадарё вилоятида,
- 6 нафари Навоий вилоятида,
- 14 нафари Наманган вилоятида,
- 64 нафари Самарқанд вилоятида,
- 9 нафари Сирдарё вилоятида,
- 35 нафари Сурхондарё вилоятида,
- 3 нафари Фарғона вилоятида,
- 8 нафари Хоразм вилоятида,
- 72 нафари Тошкент вилоятида,
- 136 нафари Тошкент шаҳрида
Вазирликнинг маълум қилишича, сўнгги суткада 528 нафар бемор сўгайди. Жумладан, Бухоро вилоятида 9 нафар, Жиззах вилоятида 23 нафар, Қашқадарё вилоятида 8 нафар, Наманган вилоятида 16 нафар, Самарқанд вилоятида 33 нафар, Сирдарё вилоятида 22 нафар, Сурхондарё вилоятида 174 нафар, Фарғона вилоятида 8 нафар, Хоразм вилоятида 9 нафар, Тошкент вилоятида 46 нафар, Тошкент шаҳрида 180 нафар бемор тузалиб, касалликдан соғайганлар жами 103 074 нафарга етди ва соғайиш кўрсаткичи 96 фоизни ташкил этмоқда.
Шунингдек, 2 нафар коронавирусга чалинган бемор вафот этиб, касалликдан вафот этганлар сони расман 722 нафарни ташкил қилмоқда. Айни пайтда тиббиёт муассасаларида 3470 нафар бемор даволанмоқда.
Мамлакатда кунлик касалланиш ҳолатлари сони яна ортиб бормоқда. 21 июнда 395 кишида, 20 июнда 427 кишида, 19 июнда 415 кишида, 18 июнда 391 кишида, 17 июнда 385 киши, 16 июнда 371 кишида коронавирус тасдиқланган. Ўзбекистонда коронавирус инфекциясини юқтириб олиш билан боғлиқ кунлик юқори кўрсаткич 5 май куни қайд этилган — ўшанда 452 кишида касаллик аниқланган.
