Ўзбекистонга 2021 йилнинг май ойи давомида жами 49 та электромобил олиб келинди — бу апрель ойига қараганда 16 тага кам, деб хабар беради Давлат статистика қўмитаси матбуот хизмати.
Маълумотларга кўра, 2021 йилнинг январь—май ойларида Ўзбекистонга хориждан 205 та электромобил импорт қилинган. Бу кўрсаткич ўтган йилнинг мос даврига нисбатан 179 тага кўп. 2021 йилнинг май ойида эса 49 та электромобил импорт қилинган.
2021 йилнинг январь—май ойларида Ўзбекистон, асосан, қуйидаги давлатлардан электромобилларни импорт қилган:
- Хитой — 166 та;
- Туркия — 24 та;
- Корея — 5 та;
- АҚШ — 5 та;
- Германия — 3 та;
- Литва — 1 та;
- Испания — 1 та.
- 2018 йилда – 13 та;
- 2019 йилда – 39 та;
- 2020 йилда – 131 та.
Аввалроқ Ўзбекистондаги бир нечта компаниялар 2021—2023 йилларда автомобиллар, пикаплар, юк машиналари, микроавтобуслар ва бошқа автомобилларни ишлаб чиқариш ва йиғишни йўлга қўймоқчи эканлиги ҳақида хабар берилган эди. Президент йилига 50-60 минг дона ҳамёнбоп автомобиллар ва электромобиллар ишлаб чиқаришни йўлга қўйиб, автомобиль саноати учун сармоя киритиш зарурлигини таъкидлаган эди.
Изоҳ (0)