Президент маслаҳатчиси Абдужаббор Абдувоҳидов, бош вазир ўринбосари Беҳзод Мусаев ва вазир Абдуқодир Тошқулов иштирокида бўлиб ўтган йиғилишда олий ва ўрта махсус таълим вазирига ўринбосарлар тайинланди.
Вазирнинг биринчи ўринбосари этиб Комилжон Каримов тайинланди. Тайинловга қадар у 2020 йилнинг 17 сентябридан Жаҳон иқтисодиёти ва дипломатия университети ректори лавозимида фаолият юритиб келган.
Раҳим Ҳакимов эса вазирнинг фан ва инновациялар бўйича ўринбосари этиб тайинланди. Тайинловга қадар у 2020 йилнинг 28 майидан Тошкент давлат юридик университети ректори лавозимида ишлаб келаётганди.
Эслатиб ўтамиз, 2021 йилнинг январида олий ва ўрта махсус таълим вазирининг биринчи ўринбосари Ўктам Саломов Фарғона политехника институти ректори лавозимига тайинлангани муносабати билан лавозимидан озод этилганди.
Изоҳ (0)