O‘zbekiston oliy va o‘rta maxsus ta’lim vazirining birinchi o‘rinbosari O‘ktam Salomov boshqa ishga o‘tishi munosabati bilan lavozimidan ozod etildi, deya xabar berdi vazirlik matbuot xizmati.

O‘ktam Salomov

Foto: Oliy va o‘rta maxsus ta’lim vazirligi

U ushbu lavozimga 2020-yil 29-iyunda tayinlangandi. Bungacha u Andijon mashinasozlik instituti rektori (2016-2019) hamda Toshkentdagi Turin politexnika universiteti rektori (2019-2020) lavozimlarda ishlagan.

Ma’lumot uchun, O‘ktam Salomov Toshkent davlat universitetini (1999), Parijdagi Pyer va Mari Kyuri universitetlarining aspiranturasini (2004) va Italiyadagi Turin politexnika universitetining doktoranturasini tugatgan (2014). U O‘zbekiston Fanlar akademiyasi va Toshkentdagi Turin politexnika universitetida turli lavozimlarda ishlagan.

Uning yangi ish joyi haqida ma’lumot berilmagan.

Avvalroq O‘zbekiston suv xo‘jaligi vazirining birinchi o‘rinbosari hamda qishloq xo‘jaligi vazirining 2 nafar o‘rinbosari ishdan olingani haqida xabar berilgandi.