Генри Форднинг чевараси Ford Motor Company’нинг директорлар кенгаши томонидан сайланган инвестерлар билан алоқалар бўйича вице-президент лавозимидан кетди, деб хабар беради Motor.
Automotive News нашрининг ёзишича, Генри Форд III оилавий бизнесга 2006 йилда келиб қўшилган ва меҳмат муносабатлари, маҳсулотларни лойиҳалаштириш, харидлар, дилерлар билан алоқа ҳамда Ford Performance маркетинг билан шуғулланган. Америка автомобиль ишлаб чиқарувчисининг директорлар кенгаши томонидан сайланганидан сўнг, у лавозимдан кетмоқда. «Ford’даги 15 йиллик меҳнатимдан сўнг, ташқаридан буюк компаниямизга назар солиш объективликни оширишига ва кучли ҳамда кучсиз томонларимизни конструктив танқид қилиш имконини беришига ишонаман», — дейди Генри Форднинг чевараси.
Генри Форднинг набирасини набираси 2002 йилда Дартмут коллежини тамомлаган ва инглиз адабиёти бўйича бакалавр даражасига эга бўлган. Ўрта ва катта мактабда математика ҳамда тарихдан дарс бериш жараёнида у оилавий бизнеслари доимо ўзига жалб қилиб келганини таъкидлаган. «Мижозларимизга ёқадиган маҳсулот ва хизматни тақдим этиш учун биргаликда ишлаш жараёнимиздаги сеҳрни кўрардим», — дейди Форд III. Шу билан бирга, Генри Форднинг яна чевараси Эдсель Форд II компаниянинг директорлар кенгашидан кетган ва молия, барқарорлик ва инноварсия қўмитасида ишлашга ўтган.
Маълум қилинишича, Генри Форд III лавозимдан кетгани билан директорлар кенгаши аъзоси ҳисобланади.
Изоҳ (0)