Агар болангиз тишларида қора нуқта ёки жуда оппоқ доғлар пайдо бўлганини сезсангиз, дарҳол стоматологга мурожаат қилинг. Шифокор тишларини текширади ва тегишли даволаниш бўйича маслаҳат беради. Баъзан тишларни махсус лак билан қоплаш кифоя қилади, баъзида кариесни тўлиқ даволаш керак, баъзида эса махсус малҳамлардан фойдаланиш лозим.
Кариеснинг пайдо бўлиш сабаблари:
Кариес — бу тиш эмалига таъсир қилувчи оғиз бактерияларининг натижасидир. Сут тишларининг эмали нозик, осон ва тез шикастланади. Эрта пайдо бўлган кариес сабабларига қуйидагилар киради:- Ҳомиладорликда, айниқса биринчи уч ойликда келажакдаги сут тишларининг рудиментлари ривожланаётганда. Агар ҳомиладор аёл бу вақтда шамоллаб қолса ёки ҳомиладорлигини билмасдан, хавфли ишларда ишлаган бўлса, бола туғилишидан олдин ҳам тишларга зарар етиши мумкин.
- Ирсият. Ҳа, афсуски, тиш эмалининг сифати, бошқа нарсалар қатори, ирсият билан ҳам белгиланади.
- Гигиена. Озиқ-овқат қолдиқлари, айниқса, таркибида шакар бўлса (аралашмалар, кўплаб қўшимча овқатлар) бактерияларни кўпайишига олиб келиши мумкин, бу эса тиш эмалига зарар етказади.
- Болани мунтазам равишда профилактик кўрикдан ўтказиш учун стоматологга олиб боринг. Болани тиш шифокорига 6-18 ойда чақалоқда биринчи тишлари пайдо бўлгандаёқ олиб бориш керак. Шундан сўнг ҳар олти ойда ёки бир йилда бир марта тиш шифокорига кўриниш лозим. Бу нафақат боланинг тишларини текшириш, балки муаммони энг бошида аниқлаш учун ҳам амалга оширилади. Шифокор кўригига тез-тез бориш болага стомотологдан қўрқмасликни ва бу жараён оғриқли эмаслигини ўргатади. Келажакда болалар стоматологларга ишонади, бу эса тишларини текшириш ва даволашга имкон беради.
- Тишларни тозалаш. Тишларни чиққандан бошлаб кунига 2 марта тозалаш керак. Агар бола тунда бутилкадан аралашма/бўтқа ичадиган бўлса, овқатлангандан кейин тишдаги озиқ-овқат қолдиқларини ювиш учун озгина сув бериш керак.
- Фарзандингизга ўзингизнинг қошиқ/санчиқингиздан овқат ейишига рухсат берманг; чақалоқнинг сўрғичини оғзингизга солманг; боланинг катталар еган мевани тишлашига ёки музқаймоқ ялашига йўл қўйманг. Вояга етган одамнинг оғиз бўшлиғидан бактериялар тупук томчилари билан бирга боланинг оғзига тушиши натижасида кариес хавфини ошириши мумкин.
Мавзуга доир:
- Тиш саломатлиги билан боғлиқ нотўғри фикрлар: Шоколадми ёки олма — қай бири кўпроқ зарарли?
- Ҳар куни ширинлик истеъмол қилинса, организмда қандай ўзгариш рўй беради?
- Тишлар саломатлигига зарар етказадиган 5 та ичимлик
- Тиш пастаси таркибидаги тишларга зарар етказиши мумкин бўлган моддалар
- Тишлар саломатлиги учун зарарли ва фойдали маҳсулотлар
Изоҳ (0)