Серхио Рамос 16 йиллик фаолиятидан сўнг «Реал»ни тарк этди. 17 июнь куни Серхио хайрлашув маросимида иштирок этиб, ўз ҳиссиётлари билан бўлишди. Ижтимоий тармоқларда сардорнинг жамоадошлари, мураббийлари унга тилакларини билдирди:

«Реал Мадрид» Twitter’да Рамосга бағишланган 3 дақиқалик роликни тақдим этди: 

«Реал»нинг собиқ мураббийи Зидан ҳам Рамосга ўз тилакларини билдирди: Афсона! Сен билан бирга ишлаш мароқли бўлди. Тарихдаги энг яхши сардор. Барчаси учун раҳмат!

«Реал Мадрид» афсонаси Икер Касильяснинг фикрлари: Дўстим, бугун уйингни тарк этяпсан, лекин абадий «Реал»нинг афсонаси бўлиб қоласан! Сен билан жуда кўп ажойиб лаҳзаларни бирга ўтказганимдан хурсандман. Сенга омад тилайман. Буюк футболчи ва буюк инсон!

Марсело: Оҳ, сардор! Менинг сардорим! Менинг акам! Шу вақтгача сендан кўп нарса ўргандим, жуда ажойиб лаҳзаларни бошдан кечирдик. Сенг муваффақият тилайман. Бунга лойиқсан!!! Афсона 4!!!

Начо: Ҳамма нарсада менга ўрнак бўладиган сардор ва афсона. Сен жуда кўп нарсани ўзгартириб юбординг, соғиниб қоламиз. Доим сени кузатамиз, дўстим. Катта раҳмат!

Тибо Куртуа: Шунча вақт бирга ўтказганимиз учун раҳмат! Сен «Реал» ва футбол афсонасисан. Энг яхши тилаклар сенга, сардор!

Рафаэл Варан: Жуда кўп совринларни қўлга киритган тирик афсона ва сардор. Сен билан жуфтликда тўп сурганимдан бахтлиман ва сендан кўп нарса ўргандим. Мадридда ўтказган вақтларинг, ҳимоядаги ўйининг, голларинг унутилмайди! Ҳурмат!!!

Иско: Бу авлодни ва жамоани ғалаба сари етаклаганинг учун раҳмат, барчасини ўзгартириб юборган 93-дақиқа учун раҳмат, энг яхши жамоадош ва сардорсан! Ҳаётингнинг янги босқичида сенга омад тилайман!

Тони Кроос: Энг яхши! Ҳимоячи! Барча даврларнинг!

Каземиро: Сен билан елкама-елка курашиш шараф эди, сардор. Келажакдаги ишларингга омад!

Карим Бензема: Сардордан ҳам ортиқроқ! Дўстим, акам, «Реал»нинг муваффақияти йўлида бирга ўтказган дамларимиз учун раҳмат! Энг яхши тилаклар сенга, афсона!

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!