ArzonApteka хизмати (дорихоналарда дори-дармонларни топиш учун бепул дастур) вакили бўлган IT-парк резиденти Fom Group Бирлашган Араб Амирликлари бозорига машҳур стартапни олиб чиқди.
AppStore ва GooglePlay’да маҳсулотнинг илк оммавий версияси 2017 йилда пайдо бўлган. ArzonApteka ишга туширилгандан бери арзон дори-дармонларни топиш бўйича етакчи онлайн хизматга айланди. Унга уланиш ҳамкорларга рақамли хизматларнинг фаол аудиторияси билан тўғридан-тўғри алоқада бўлиш орқали, мижозлар оқимини ва уларнинг маҳсулотдан хабардорлигини оширишга имкон беради.
ArzonApteka асосчиси Мурод Маҳкамов БАА бозорига киришни шарҳлар экан, қуйидагиларни таъкидлади: «Бизнинг бутун жамоамиз учун лойиҳанинг чет элда кенгайтирилиши бошлангани тарихий қадамдир. Шахсан мен учун бу болаликдаги орзуимнинг амалга ошиши ҳамдир. Болалигимда отамга кичик фармацевтика бизнесида ёрдам бериб, улкан дорихона тармоғини яратишни ўйлардим ва ўз бизнесимни бошлашим билан келажак анъанавий соҳаларда IT технологияларни амалга оширишда эканлигини англаб етганман. Айнан ўша пайтда ArzonApteka ғояси биринчи марта пайдо бўлган, унинг бизнес модели объектив қийин даврларда ҳам юқори ўсиш суръатларини таъминлашга қодир. Аслида компаниянинг инвестиция нуқтаи назаридан жозибадорлигини ошириш ҳамда IT-парк экотизими учун энг қулай шароитлар яратиш мақсадида лойиҳани бошқа бозорларда кенгайтириш қарори қабул қилинган».
Хизматнинг асосий йўналиши – Ўзбекистондаги дорихоналарда дори-дармонларни излаш. Бугунги кунга келиб, Fom Group бутун мамлакат бўйлаб 3500 дан ортиқ дорихоналарни автоматлаштирган, уларнинг фойдаланувчилари сони 1 миллиондан ошган. ArzonApteka фойдаланувчиларга керакли дори-дармонларнинг жойлашуви ва нархларини интернет орқали кузатиб бориш имкониятини беради. Шунингдек, дастурда дориларни етказиб берадиган дорихоналар рўйхати билан махсус ёрлиқ ҳам мавжуд.
«Коронавирус билан боғлиқ локдаунлар маҳсулотимизга бўлган талабни аниқ кўрсатиб берди. Тўғриси, холис ва самимий айтишим мумкин: пандемия бошланган пайтда республика аҳолиси бундай хизматга эга бўлганлиги жуда ҳам яхши бўлган. Тафсилотларга тўхталмасдан шуни эслатиб ўтиш жоиз, ArzonApteka ушбу оғир ойларда шифокорларга беморларнинг ҳаётини сақлаб қолиш учун жуда катта ёрдам берган ва бунинг учун мен доим ҳамфикрларимдан миннатдорман. Халқ эътирофисиз, муваффақиятлар тарихисиз, ёрқин ғоясиз ва энг муҳими, халқаро мутахассислар гуруҳисиз халқаро бозорга чиқиш, менимча, имконсизсиз эди», – деди Мурод Маҳкамов.
Сўнгги ҳафталарда кунлик қидирувлар сони 70 мингга етган. Fom Group мутахассислари томонидан олиб борилган жаҳон фармацевтика бозорининг таҳлили бўйича Яқин Шарқ ва Шимолий Африкада биринчи навбатда, дорихоналарни автоматлаштириш даражасининг нисбатан пастлиги, шунингдек, истеъмолчининг ўхшашлиги билан боғлиқ ҳолатлар фойдаланувчиларнинг устувор қамрови эканлигини кўрсатди. ArzonApteka хизматини кенгайтиришнинг биринчи босқичи Бирлашган Араб Амирликларидаги макраёнга кириб, уни янада кенгайтириш учун мақбул бозор бўлди. Бир ойлик интенсив иш давомида жамоа амирликлар бозорини ўрганишга ва ҳафтада бир неча нуқтада ArzonApteka билан боғланиш жараёнини бошлашга муваффақ бўлди. Дастлабки фойдаланувчилар севимли дастуридан фойдаланиб, Дубайдан харид қилишмоқда.
Реклама ҳуқуқи асосида.
Изоҳ (0)