Маҳаллий

Янги Ўзбекистоннинг Янги Андижони, очлик эълон қилган муҳожирлар, сув остида қолган шаҳарлар. 17 июнь суратлари

17.06.2021, 23:55 29895

Ўзбекистон ва дунёнинг турли нуқталарида 17 июнь куни олинган суратларни намойиш қиламиз.

Скарфейс лақабли леопард Ҳиндистондаги Нагарахол миллий боғидаги дарахтда дам оляпти.

Шавкат Мирзиёев Избоскан туманидаги «Урганжи» маҳалласида бўлиб, аҳоли ҳаёти билан танишди. Шавкат Мирзиёев шу ерлик Қурбонали Ўринбоев хонадонида бўлиб, яшаш шароитлари, паррандачилигини кўздан кечирди.

Мавзуга доир: «Энди ҳар бир хонадоннинг имкониятидан келиб чиқиб, бизнес-режа ёзиб берилади» — Шавкат Мирзиёев

Хитойнинг шарқидаги Чжэцзян провинциясида гуллаган чамандагул (вербена) боғини томоша қилаётган ташриф буюрувчилар.

Шавкат Мирзиёев Янги Андижон шаҳрининг тамал тошини қўйди. «Умид қиламанки, Янги Андижон халқимиз бахтли, фаровон яшайдиган обод маскан бўлади. Бу тарихий воқеа билан, хайрли маросим билан бутун Андижон халқини чин юракдан табриклайман», — дея таъкидлади Президент.

Ғарбий Соҳилда Исроил бульдозерлари томонидан уйлари вайрон қилган фаластинлик оила ўз мол-мулкларини кўздан кечирмоқда.

Хитой полициячилари Apple Daily газетаси штаб-квартирасида йиғилиб, у ердаги бош муҳаррир ва яна тўрт нафар юқори лавозимли раҳбарни хорижий давлат билан тил бириктириб, миллий хавфсизликка таҳдид солишда айблаб, ҳибсга олди.

Қора қанотли котибқуш ботқоқ яқинидаги уясидаги тухумларни қўриқламоқда.

Женевада Villa La Grange ҳудуди Жо Байден ва Владимир Путин ўртасидаги саммитдан сўнг тартибга келтирилмоқда.

Мавзуга доир: Путин ва Байден учрашувда бир-бирига қандай совға бергани маълум бўлди

Кучли ёмғир натижасида Керчь шаҳри сув остида қолди.

Демократик партиядан Нью-Йорк мэрлигига номзод Эрик Адамс дастлабки дебатда қатнашганидан сўнг ёш тарафдорини қучоқлаяпти.

Жо Байден Европага қилган сафаридан сўнг Оқ уйга қайтиб келди.

Брюссель марказида 2021 йил февраль ойида черковни эгаллаб олган ноқонуний муҳожирлар очлик эълон қилди. Бунинг ёрдамида улар ишлаш ва ўзларини қонунийлаштириш ҳуқуқини қўлга киритишни режалаштирмоқда.

Женевадаги Bonhams кимошди савдосида McLaren суперкарлари 1 200 000 швейцария франки (тахминан 1,3 миллион АҚШ доллари)га сотилди.

Калкуттада ҳам ёмғир оқибатида тошқинлар содир бўлди.

Муҳожирлар Мексика чегарасини кесиб ўтгандан кейин АҚШ чегара пости томон кетмоқда. АҚШга Марказий Америкадан келаётган бошпана изловчиларнинг оқими борган сари кўпаймоқда.

Даниялик мухлислар футбол бўйича терма жамоаларининг Евро—2020 мусобақаси доирасида Бельгияга қарши учрашуви учун Кристиан Эриксеннинг футболкаларини кийиб, стадионга кетмоқда.

Мавзуга доир: Евро—2020. Бельгия Данияни таслим этиб, кейинги босқичга йўл олди, де Брюйнедан гол ва ассист

Ростов-Дон шаҳрида узоқ давом этган ёмғир асфальтни кўчириб юборди, ўнлаб дарахтлар ағдарилди, шаҳарнинг айрим кўчаларини сув босди.

Мавзуга доир: Фоторепортаж: Россия жанубида кучли ёмғир туфайли уйлар сув остида қолди

Полиция Германиянинг Фридрихшайн туманидаги ўт ўчирувчилар томонидан текширув ўтказилиши режалаштирилган бинога киришга тайёрланмоқда. Бино ичидаги баъзи аҳоли вакиллари бунга қарши чиқмоқда.

Ишчилар Мексиканинг Халиско штатида рельсдан чиқиб кетган юк поездини тик тургазмоқда. Поезд темир йўлларга туташ бир неча уйларга қулаши оқибатида бир киши ҳалок бўлган ва камида икки киши жароҳат олган.

Боготада Ла-Катрина персонажи ниқобини кийган мексикалик аёл Лотин Америкаси туризм кўргазмасида қатнашмоқда. Бу пандемия бошланганидан бери Колумбия пойтахтида ўтказилган биринчи шундай тадбир.

Канаданинг Саскачеван штатидаги Д’арси шаҳри яқинидаги торнадо.

Мавзуга доир: Хитойга ёпирилган кучли торнадо 150 га яқин уйга зарар етказди (видео)

Неккер-Анфан-Маляд касалхонасида интенсив терапия билан даволанаётган Малида исмли қиз учун рақс тушаётган Париж опера балети театри аъзолари Уго Марканд ва Дороти Гильберт.

Аввалги кунларнинг фотогалереялари: