Хитойда 10 киши сиғадиган электромобиль 4 минг доллар қийматида сотувга чиқди

Хитойнинг Everbright компанияси 10 кишини ташишга мўлжалланган электромобилни яратди, деб хабар беради IXBT.

Машинанинг узунлиги 3600 миллиметрни, эни — 1400, баландлиги эса 1700 миллиметрни ташкил этади.

Олд томонида бир жуфт ўриндиқ, салоннинг ён қисмида эса икки қатор ўриндиқлар жойлашган. Афтида 10 киши — бу хитойрликларнинг гавда тузилишидан келиб чиқилган жуда оптимистик прогноз. Аммо автомобиль Европа бозорига чиқиши даргумон, чунки ишлаб чиқарувчи машинани европаликларни мослаб яратишни ўйламаган.

Орқа ўриндиқларни кўтариб қўйиб, машинадан юкларни ташишда ҳам фойдаланиш мумкин. Хитой электромобили орқани кўришга мўлжалланган камера, шунингдек, том қисмига ўрнатилган қуёш панели билан жиҳозланган — бу қўшимча 40 километр юриш имконини беради.

Аккумулятор сифатида сиғими 7,2 киловатт/соатга тенг қўрғошин-кислотали батареядан фойдаланилган бўлиб, унинг ёрдамида бир марта қувватланиш орқали 120 километр йўл босиш мумкин. 6,7 от кучини тақдим этишга қодир электродвигатель соатига 40 километргача тезликда ҳаракатланишни таъминлайди. Шу билан бирга, автомобиль 20 фоизли қияликка эга йўл бўйлаб ҳам ҳаракатлана олади.

Мазкур электромобиль нархи 4000 доллардан бошланади.

Аввалроқ Хитойнинг Jiangsu Ruipaiying Import And Export Co. компанияси пикап кузовида яратилган ҳамёнбоп Changli CLZKC-009 электромобилини тақдим этганди. Ушбу машина нархи 2000 долларни ташкил этган.