Барча даврларнинг энг тезкор серияли автомобили дея эътироф этилаётган Tesla Моdel S Plaid’нинг илк харидорлари ижтимоий тармоқларга машинанинг ноодатий интерьерига оид видеороликларни жойлаштиришни бошлади, деб хабар беради IXBT.
Моdel S Plaid’нинг ўзига хос жиҳатларидан бири бу унинг «Формула-1» пойга машиналарига ўрнатиладиган штурвал кўринишидаги янги рули ҳисобланади. Янги рул барчага ҳам маъқул келмаган. Таъкидланишича, бу каби рул шаҳар шароитида бошқаришда ва бир неча бор буриш талаб этиладиган автотураргоҳларда жуда ноқулайлик туғдирмоқда.
https://twitter.com/SnazzyQ/status/1403981275090669571
Эълон қилинган видеоларнинг бирида рулни бураётган ҳайдовчи тасодифан сигналга жавоб берадиган тугмани босиб юборган. Бундан ташқари, автомобилнинг бурилиш ва ёритиш тизимларини бошқарувчи рул ости ричаглари ҳам йўқ. бурилиш чироқларига ҳам рулдаги тугмалар жавоб беради. Бунга кўникиш эса осон эмас.
Аввалроқ Tesla компанияси ўзининг энг қиммат машинаси Моdel S Plaid Plus’ни ишлаб чиқаришни тўхтатгани тўғрисида хабар берилганди.
Изоҳ (0)