Тошкент шаҳар ИИББ ижтимоий тармоқларда тарқалган «Фарҳод» бозорида ИИБ ходимининг фуқароларга зўравонлик қилаётгани акс этган видео юзасидан маълумот берди.
Маълум қилинишича, Учтепа тумани ИИО ФМБ 7-сон ички ишлар бўлимига пойтахтда яшовчи фуқаро Ч.Т.дан мурожаат келиб тушган. Мурожаатчи ўз аризасида 41 ёшли Т. Х.нинг ундан 6 миллион сўм қарзи борлигини билдирган.
2021 йил 5 июнь куни Учтепа тумани ИИО ФМБ профилактика катта инспектори подполковник М. Фозилов Турғунпўлат Х.ни ички ишлар бўлимига келиб тушган мурожаат билан танишиб, мазкур факт бўйича тушунтириш хати ёзиши учун таклиф қилган.
Ходимнинг иш жойига Турғунпўлат билан бирга унинг мазкур ишга алоқадор бўлмаган икки нафар таниши (муқаддам икки марта судланган 43 ёшли Фарҳод Ю. ва 34 ёшли Солижон Т.) ҳам киришга уринган.
Хонани тарк этиш тўғрисидаги илтимосга жавобан фуқаролар қўпол муомалада бўлиб, ҳолатни видеога туширишни бошлаган ва бу билан ходимнинг иш фаолиятига тўсқинлик қилган. Фуқаролар ички ишлар бўлимидан чиқарилиши жараёни юқоридаги видеога тушиб қолган. Келишмовчилик давомида Турғунпўлат Х. тушунтириш хати ёзишга тайёрлигини билдириб, ўзи ҳам дўстларини тинчлантирмоқчи бўлган.
Изоҳ (0)