Ўзбекистонда Туркиядан келувчиларга қўйилган 14 кунлик мажбурий карантин талаби бекор қилинди. Бу ҳақда Ўзбекистоннинг Истанбулдаги бош консулхонаси хабар берди.
Туркияда эпидемиологик вазият барқарорлашаётганлиги инобатга олиниб шундай қарорга келинган.
Аммо Ўзбекистонга келиш учун авиақатновга рўйхатдан ўтишдан олдин сўнгги 72 соатдан кўп бўлмаган муддатда COVID-19’га фақат ПЗР орқали текширилиб, манфий кўрсаткичга эга деб топилган маълумотномани тақдим этиш талаби сақланиб қолади.
Эслатиб ўтамиз, 11 июнь куни Turkish Airlines авиакомпаниясига тегишли самолёт Истанбулдан Урганчга илк парвозни амалга оширди. Ушбу авиакомпания 8 июнь куни Истанбул—Фарғона—Истанбул йўналишида ҳам илк қатновни амалга оширганди.
Изоҳ (0)