Рафиқа сифатида ўз мухлисини танлаган таниқли кишилар ҳақида маълумот бериб ўтамиз.
Дмитрий Дюжев
Машҳур актёр бўлажак рафиқаси Татяна билан Мадоннанинг концертида танишган. Қиз актёрни таниган, аммо Дмитрийнинг ўзи келиб танишишини кутган. Дюжев эса кейинроқ Татянани бир кўришда севиб қолганини маълум қилган. Татяна актёрнинг мухлиси эканига қарамай, унинг беқарорлиги ҳақидаги миш-мишлар сабаб муносабатларининг эртаси бўлишига ишонмаган. Унинг кўнглига йўл топган Дмитрий эса бир неча йилдан кейин турмуш қуришни таклиф қилган. Аввалроқ тўйининг 12 йиллигини нишонлаган жуфтликнинг икки нафар фарзанди бор.
Баста
Кафеда ўтирган Бастанинг олдига келган Елена унинг ижодини мухлиси эканини тан олган. 2009 йилда турмуш қурган жуфтлик биринчи марта ўғилли, кейинроқ эса қиз фарзандли бўлган. Ижод қилишдан тўхтамаган Баста учун оиласи ҳамиша биринчи ўринда туради.
Роман Билик
«Звери» гуруҳи аъзоси бўлажак рафиқаси Марина билан ўз концертида танишган. Қиз ўзини суратчи деб таништириб хонанданинг пардоз хонасига киришга муваффақ бўлган. Роман эса уни бир кўришда ёқтириб қолган. Учрашишни бошлаган жуфтлик 2004 йил яқинлари даврасида турмуш қурган. Бугунги кунда уларнинг икки нафар фарзанди бор.
Игорь Николаев
Юлия Проскурякова хонанда Игорнинг қўшиқларини тинглаб катта бўлган ва бир умр у билан танишишни орзу қилган. 2005 йил Екатеринбургдаги концертдан чиқаверишда Игорни кутиб турган. Уни гапга тутган, ҳатто қўшиқ куйлаб берган. Николаев қизга телефон рақамини қолдирган. Қиз эса ярим йил ўтганидан кейин қўнғироқ қилишга қарор қилган. 2010 йилда турмуш қурган жуфтлик орадан 5 йил ўтиб фарзандли бўлган.
Марат Башаров
2012 йилда Елизавета Шевиркова ижтимоий тармоқларда кумири Маратга танишиш истагини билдириб хабар ёза бошлаган. Бу вақтда юраги банд бўлган Башаров Екатерина Архарова билан ажрашганидан кейингина Елизаветани эслаган. 2016 йилда фарзандли бўлган жуфтлик бир йил ўтиб оила қурган. Аммо уларнинг муносабати ҳам узоққа бормаган.
Изоҳ (0)