Машҳурларнинг ҳаёти нафақат қизил гиламдаги шон-шуҳрат, балки даҳшатли фожиаларга ҳам тўла. Нохуш воқеалар улар билан ҳам юз беради, баъзида эса кейинги ҳаётларида жиддий из қолдиради.Шарлиз Терон
1991 йилда актрисанинг онаси Герда Мариц Шарлизнинг отаси Чарльз Теронни қизининг олдида отиб қўйган. Маст ота қизи ва аёлини тўппонча билан қўрқитгандан сўнг онаси ўзини ҳимоя қилишга мажбур бўлган.
Майкл Жордан
Баскетбол юлдузининг отаси 1993 йилда ўз машинасида ухлаб ётганида отиб кетилган. Икки номаълум шахс эркакни ўлдириб, Лехсусъни ўғирлаб кетишган. Кейинчалик қотиллар 15 йиллик қамоқ жазосига ҳукм қилинган.
София Вергара
Актрисанинг акаси 1998 йилда ўғирлаб кетилган ва шафқатсизларча ўлдирилган. София бу фожиани шундай эслайди: «Биз Колумбияда бой оилада яшардик, акам қўриқчиларсиз ҳеч қаерга бормасди. Аммо бир куни тансоқчиларисиз ташқарига чиққанида уни ўғирламоқчи бўлишган, қаршилик кўрсатмоқчи бўлганида отиб кетишган.»
Марк Руффало
Актёрнинг акаси Скотт ўқдан яраланган ҳолда Беверли Хиллздаги уйидан топилган, аммо касалхонада вафот этган. Тахминларга кўра, у револверга битта ўқ жойлаб, ўзи билан «рус рулеткаси»ни ўйнаган, аммо бу тасдиқланмаган.
Женнифер Ҳадсон
Актриса 2008 йилда онаси, укаси ва жиянидан айрилган. Синглиси Жулиянинг эри уларни Чикагодаги уйида хотинидан ажралишни истамагани учун ўлдирган.
Роман Полански
Унинг рафиқаси актриса Шерон Тейт 1969 йил 9 сентябрда Лос-Анжелесдаги уйида Чарли Менсон тўдаси аъзолари томонидан ўлдирилган. Ўша вақтда аёлининг 8 ойлик ҳомиласи бўлган.
Патрик Даффи
Актёрнинг ота-онаси Монтанадаги кичик кафени ўмармоқчи бўлган икки ўспирин қурбонига айланган.
Изоҳ (0)